ადამიანი ძუძუმწოვართა კლასის წარმომადგენელია.ეს იმას ნიშნავს, რომ რაც კაცობრიობა არსებობს, არსებობს ძუძუთი კვებაც.მიუხედავად იმისა, რომ თანამედროვე პატარებისთვის უამრავი ხელოვნური საკვებია შექმნილი, დედის რძე მაინც შეუცვლელია.ის საუკეთესო თანაფარდობით შეიცავს ბავშვისთვის საჭირო ყველა სასიცოცხლო ნივთიერებას.
იგი ბავშვს იცავს ალერგიული, თუ სხვა სახის დაავადებებისგან.ამასთან ერთად ხელს უწყობს ენისა და სახის კუნთების განვითარებას, რაც მნიშვნელოვანია სწორი თანკბილვისა და მეტყველების ჩამოყალიბებისთვის.

ძუძუთი კვება, ამასთან ერთად ხელს უწყობს ბავშვის ფიზიკურ და გონებრივ განვითარებას, დედას მშობიარობის შემდგომი სისხლდენისგან იცავს, ამცირებს სარძევე ჯირკვლისა და საკვერცხის სიმსივნური დაავადების რისკს, ხელს უწყობს საშვილოსნოს შეკუმშვას.ამასთანავე მეძუძური დედა ბუნებრივად არის დაზღვეული დაუგეგმავი ორსულობისგან.