მოგეხსენებათ, ბოლო რამდენიმე დღეა ზუგდიდში პოლიტიკური ციებ - ცხელებაა. დაპირისპირების პიკშია ქალაქი და ამაში არც პარტია "ქართული ოცნების" ადგილობრივი ხელისუფლების აქტიური სახეები უცენზურო და უხამს გამონათქვამებს არ ერიდებიან და სოციალურ ქსელში ათას სიბინძურეს წერენ. ამჟამად ყურადღების ცენტრშია ზუგდიდის საკრებულოს თავმჯდომარის მოადგილის თამაზ ფაცაციას ფეისბუქსტატუსი. მან სოციალურ ქსელში "ნაციონალური მოძრაობის" დეპუტატ თინა ბოკუჩავაზე შეურაცხმყოფელი და სექსისტური პოსტი გამოაქვეყნა.აი რა დაწერა თაზო ფაცაციამ ფეისბუქზე: – "თინაბოკუჩავა ისეთი განათლებული ვარო, მიშამ პირდაპირ პარლამენტში "დამამთავრებინა" ბოდიში გამა@@@@@@@@ო უნივერსიტეტიო".


სრულიად სოციალური მედია მოიცვა აღნიშნულმა შეურაცხმყოფელმა პოსტმა და აღნიშნულს მალევე მოჰყვა საზოგადოების მხრიდან უარყოფითი დამოკიდებულება, შესაბამისად გამოხმაურებაც. საკრებულოს თავმჯდომარის მოადგილის პოსტს სოციალურ ქსელში გამოეხმაურა ქალთა უფლებების დამცველი ბაია პატარაია. აი რას წერს ქალთა უფლებების დამცველი ფეისბუქის საკუთარ გვერდზე: - ""ქართულო ოცნებავ, ესაა თქვენი გენდერული თანასწორობა? ეს ტიპი ზუგდიდის საკრებულოს თავმჯდომარის მოადგილედ გიზით? არ გრცხვენიათ პარტიაში? ვინ აიღებს პასუხისმგებლობას?"- წერს უფლებადამცველი ბაია პატარაია და მთავრობის წევრებს მიმართავს, შესაბამისი რეაგირება მოახდინონ ამ ფაქტზე.