გორელ ბიჭს, გურამ დადიანიძეს, ოჯახი და ახლობლები უკვე 5 წელია, უშედეგოდ ეძებენ. გურამი გორის მეათე სკოლაში სწავლობდა. 2014 წელს 17 წლის ასაკში საცხოვრებლად გადავიდა მამიდასთან ხელვძარა-ზე. გურამი ლომისობის დღესასწაულზე მამიდის მეზობლებთან ერთად ტაძრის მოსალოცად წავიდა და სოფელ მლეთასთან მისი კვალი გაქრა. დადიანიძის დედას, სოფია ბიბილაშვილს, კვლავ იმედი აქვს, რომ შვილს ჯანმრთელსა და უვნებელს იპოვის. ნუ გავუცრუებთ ამ იმედს, ერთად დავეხმაროთ დედას შვილის პოვნაში.