არასრულწლოვან პატიმრებს, რესოციალიზაციის პროგრამის ფარგლებში, სახელმწიფო ტატუს მოშორების საფასურს გადაუხდის. "ციხიდან გამოსულებისთვის ეს ტატუები უკვე დაღია, რომელიც ყოველდღიურ ცხოვრებაში პრობლემებს უქმნის", - აცხადებენ დანაშაულის პრევენციის ცენტრში.

წელს ამ სერვისით 60-მდე ბენეფიციარი ისარგებლებს, რაც საერთო ჯამში 48 000 ლარამდე დაჯდება. პროექტის განხორციელებაში სახელმწიფოს ფინანსურ მხარდაჭერას UNICEF-ი აღმოუჩენს.