საქართველო ცხოველთა ორთაბრძოლების ორგანიზატორებს პატიმრობა დაემუქრებათ - მოსალოდნელი ცვლილებები კანონმდებლობაში 2019, 12 მაისი, 16:49 კანონში კიდევ ერთი ცვლილება იგეგმება! ცხოველთა ორთაბრძოლების ორგანიზატორებს პატიმრობა დაემუქრებათ.  ცხოველთა წამებისა და სასტიკი მოპყრობის ნაწილში დანაშაულებრივი ქმედებების ჩამონათვალი იზრდება: შინაური ბინადარი ცხოველის გამოყენება სამეცნიერო ექსპერიმენტისთვის და ლაბორატორიული ცდების ჩატარება, ჯარიმით ან ერთ წლამდე პატიმრობით დაისჯება.  რათქმა უნდა ეს არ ეხება ვეტერინარის დანიშნულებით ქირურგიული ოპერაციის ჩატარებას. დასჯადი გახდება ცხოველთა გაწვრთნა ორთაბრძოლებში მონაწილეობის მისაღებად, ცხოველთა ორთაბრძოლის ვიდეო და ფოტო გამოსახულებების გადაღება და გავრცელება ან მათი შენახვა, შემდგომში მათი გავრცელების მიზნით.  ამ შემთხვევაშიც სასჯელის სახით გათვალისწინებული იქნება ჯარიმა ან ერთწლამდე პატიმრობა.
ასევე დაუშვებელია პირის მიერ ცხოველთა ორთაბრძოლაზე დაშვების მიზნით ფულის აღება, ან შენობა-ნაგებობის ორთაბრძოლების მოსაწყობად გამოყენება.
ასეთ დროს ჯარიმის გარდა, ორ წლამდე პატიმრობა დაგემუქრებათ.
“ცხოველთა ორთაბრძოლების ორგანიზება, ჩატარება, პროპაგანდა, ასევე ინფორმაციის გავრცელება ცხოველთა ორთაბრძოლების გამართვის შესახებ –
დაისჯება ჯარიმით ან თავისუფლების აღკვეთით ვადით ორიდან სამ წლამდე” - აღნიშნულია კანონპროექტში.
ცვლილებები პარლამენტის ბიუროს მალე წარედგინება . 40 შეფასება არ არის
|
  |
Intermedia.ge © 2011-2024 წელი
საავტორო უფლებები დაცულია
 |
