ნაადრევი მშობიარობა და გადარჩენილი ჩვილი - ჩვენი ექიმების მორიგი წარმატება.

აღნიშნული სათაურით ავრცელებს ინფორმაციას თბილისის სასწრაფო სამედიცინო დახმარების ფეისბუქგვერდი, სადაც 6 მაისის მორიგეობაზე წერენ, რა დროსაც ახალშობილი მარიამი სიკვდილს გადაარჩინეს.

6 მაისის მორიგეობა ერთ-ერთი ყველაზე დრამატული და ემოციური აღმოჩნდა 1017 ბრიგადის წევრებისათვის (უფროსი ექიმი გურანდა მეტრეველი, უმცროსი ექიმი მარიამ ნიკოლაძე და მძღოლი იოსებ მურალაშვილი). რომ არა მათი პროფესიონალიზმი, მშობიარობა, შესაძლოა, ფატალური შედეგით დასრულებულიყო.

ყველაფერი კი 112-ის ოპერატორის მიერ გადმოცემული მორიგი მისამართით დაიწყო. გამოძახების მოტივი - მშობიარობა ბინაზე. როგორც გაირკვა, ნაადრევად დაბადებული ჩვილი არ სუნთქავდა. ოჯახის წევრების თქმით, ნაყოფი 36 კვირის იყო და მშობიარობის დაწყებას დედა არ ელოდა.