პიცა `შეფი~

ცომი:

ფქვილი - 500 გრ.

მარგარინი - 150 გრ.

მაწონი - 250 მლ.

სოდა - 1/2 ჩ.კ.

მარილი - 1 მწიკვი

ინგრედიენტები:

პიცის სოუსი - გემოვნებით

სულუგუნი -100 გრ.

ლორი - 150 გრ.

სიმინდის მარცვლები - 100 გრ.

ქინძი – გასაფორმებლად

პიცის სოუსი:

პომიდვრის სოუსი - 400 გრ.

ტომატი - 170 გრ.

დაფქული ორეგანო - 1 ს.კ.

დაქუცმაცებული ნიორი - 1/2 ჩ.კ.

დაფქული წიწაკა - 1 ჩ.კ.

მომზადება:

1. მოვზილოთ ცომი: ხელით შევაზილოთ ერთმანეთს დარბილებული მარგარინი და ფქვილი. დავუმატოთ მაწონში გახსნილი სოდა და კარგად მოვზილოთ (ცომი უნდა გამოვიდეს მაგარი).

2. მოვამზადოთ პიცის სოუსი: მოვათავსოთ სოუსის ინგრედიენტები თასში და კარგად ავურიოთ.

3. გავაბრტყელოთ ცომი წრის ფორმაზე, წავუსვათ პიცის სოუსი და დავაწყოთ ინგრედიენტები შემდეგი მიმდევრობით: სულუგუნი, ლორი, სიმინდის მარცვლები და მოვათავსოთ ღუმელში გამოსაცხობად.

4. მზა პიცა გავაფორმოთ წვრილად დაჭრილი ქინძით.