ყველასთვის საყვარელი ამერიკული სატელევიზიო დრამა - ექიმი ჰაუსის (House), დებიუტი 2004 წლის 16 ნოემბერს Fox Broadcasting Company-ს ეთერში შედგა.

მისი შემქმნელები არიან დევიდ შორი და პოლ ატანაზიო.

შოუს მთავარი გმირის, ექიმი გრეგორი ჰაუსის როლს თამაშობს ინგლისელი მსახიობი ჰიუ ლორი ( Hugh Laurie ), რომელის სრული სახელია James Hugh Calum Laurie.

"ექიმი ჰაუსის" შოუს იდეა ატანაზიოს ეკუთვნის, მთავარი გმირი ჰაუსი კი - შორის შექმნილია.

პერსონაჟი სამედიცინო გენიოსია, რომელიც დიაგნოსტიკურ გუნდს უძღვება პრინსტონ-პლეინსბოროს სასწავლო ჰოსპიტალში, ნიუ-ჯერსიში.


სერიალი ფართოდ არის აღიარებული კრიტიკოსების და მაყურებლების მიერ.

მეორედან მეოთხე სეზონების ჩათვლით ის ამერიკაში საუკეთესო სატელევიზიო შოუების ათეულში შედიოდა.

2008 წელს კი მსოფლიოში ყველაზე ნახვადი სერიალი იყო.

მიღებული აქვს ოქროს გლობუსი და ემის ჯილდოები.

ფილმის მთავარი ხიბლი მაინც მისი მთავარი მოქმედი გმირის საოცარ იუმორშია.

აი, ექიმი ჰაუზის რამდენიმე ფრაზა, რომელიც ვფიქრობთ, საუკეთესო განწყობას შეგიქმნით.