როგორ შევუხამოთ ფეხსაცმელი ნებისმიერ ტანსაცმელს

რჩევები

2019, 2 მაისი, 14:23

რაც უფრო მეტი ტანსაცმელი გაქვთ, უფრო რთული ხდება გემოვნებიანი ლუქის არჩევა. მიუხედავად იმისა, რომ დღესდღეობით უკვე ყველაფრის ტარება შეგიძლიათ, მაინც უნდა გაითვალისწინოთ ჩაცმის რამდენიმე მარტივი წესი, რათა შექმნათ საკუთარი სტილი და კომფორტულად გრძნობდეთ თავს სამოსში.

სტატიაში გთავაზობთ რამდენიმე რჩევას, თუ როგორ უნდა შეუხამოთ ფეხსაცმელი ნებისმიერ ტანსაცმელს ფერების მიხედვით. გაითვალისწინეთ!

თეთრი შარვალი

თეთრი უნივერსალური ფერია, რომელსაც ყველა ფერის ფეხსაცმელი მოუხდება, გარდა შავისა - ამ ფერის ფეხსაცმლის ჩაცმა პრეტენზიულსა და უგემოვნოს გამოგაჩენთ.

ნაცრისფერი შარვალი

როცა არ იცით, რა ფერის შარვალს შეუხამოთ თქვენი საყვარელი ფეხსაცმელი, ნაცრისფერი შარვალი იდეალური ვარიანტია, ის ყველა ფერთან მოდურად გამოიყურება.

შავი შარვალი

გავრცელებული აზრია, რომ შავი ყველა ფერს უხდება. თუმცა, ყველა ფერი არ უხდება შავს! როგორც უკვე ვახსენეთ, არ ჩაიცვათ შავი შარვალი თეთრ ფეხსაცმელთან და პირიქით, ასევე მოერიდეთ ყავისფერს. შავი უფრო "ბიზნესის" ფრად აღიქმება, ყავისფერი კი - ყოველდღიური ტანსაცმლის ფრად. თუ საინტერესო ლუქის შექმნა გსურთ, აირჩიეთ ნათელი ფერები.

ბეჟი/კრემისფერი შარვალი

ეცადეთ, კრემისფერი შარვალი ყოველთვის ნათელ, ღია ფერის ფეხსაცმელს შეუხამოთ. არ ჩაიცვათ შავი ფეხსაცმელი - ეს მკვეთ კონტრასტს შექმნის და უგემოვნოს გამოგაჩენთ.

ღია ყავისფერი შარვალი

ამ შემთხვევაშიც გამორიცხეთ შავი და ნაცრისფერი ფეხსაცმელი. სცადეთ სხვა ფერები და მიხვდებით, რომელი ფეხსაცმელი უხდება ამ კონკრეტულ შარვალს.

მუქი ყავისფერი შარვალი

ამ ფერის შარვალთან ფეხსაცმელი რთულად შესახამებელია. უთხარით "არა" შავს, ნაცრისფერს, იასამნისფერსა და წითელს. საინტერესო არჩევანი იქნებოდა მწვანე ან მუქი ლურჯი ფერის ფეხსაცმელი.