ყველა ვთანხმდებით ფაქტზე, რომ სანამ უცხო ქვეყანას ვეწვევით, უნდა გავეცნოთ ადგილობრივ ტრადიციებსა და წესებს.

სტატიაში იხილავთ რამდენიმე მნიშვნელოვან წესს, რომელიც აუცილებლად უნდა გაითვალისწინოთ მოგზაურობისას.

რუსეთი

არასდროს მიართვათ ვინმეს ლუწი რაოდენობის ყვავილები საჩუქრად!

რუსებს ლუწი რაოდენობის ყვავილები პანაშვიდებზე და გასვენებებზე მიაქვთ. ბედნიერი თაიგული კი ყვავილების კენტ რაოდენობას უნდა შეიცავდეს.

ჩილე

არაფერი შეჭამოთ საკუთარი თითებით! ამ ქვეყანაში მანერებს დიდი ყურადღება ექცევა.

სინგაპური

უფრთხილდით დაჯარიმებას! აკრძალულია ფრინველების გამოკვება, ქუჩაში ნაგვისა და ნარჩენების დაგდება, საზოგადოებრივ ტრანსპორტში ჭამა და ა.შ.

ინდოეთი

ამ ქვეყანაში მარტივად შეიძლება ციხეში მოხვდეთ. გაგიკვირდებათ, მაგრამ ინდოეთში საპირისპირო სქესის ადამიანთან ფიზიკური კონტაქტი აკრძალულია.

იაპონია

არ გაბედოთ ხურდის (ჩაის) დატოვება რესტორნებსა თუ კაფეებში! აქ ეს მიუღებელია. ასევე, აკრძალულია საზოგადოებრივ ადგილებში ჩახუტება. ეცადეთ, ისე მოიქცეთ, როგორც ადგილობრივები იქცევიან.

მექსიკა

მექსიკელებს ხუმრობა უყვართ და არასდროს უშვებენ ამის შანსს ხელიდან. ნუ მიიტანთ ხუმრობებს გულთან ახლოს და ნუ გაღიზიანდებით.

სცადეთ ახალი რამ! ადგილობრივები დაგიფასებენ მათი ენის სწავლისა და ტრადიციების გაგების სურვილს.

ახალი ზელანდია

არ გაიოცოთ, თუ ბევრ ფეხშიშველა ადამიანს ნახავთ.

არ იხუმროთ რაგბიზე, "ბეჭდების მბრძანებელზე" და დიდი ბრიტანეთის დედოფალზე. ახალზელანდიელებისთვის ეს თემები სერიოზულია.

ნორვეგია

არ დასვათ ეკლესიასთან დაკავშირებული კითხვები. ეს შეიძლება უპატივცემულობად ჩაგითვალონ. ბევრი ადამიანი ნორვეგიაში სულაც არ დადის ეკლესიაში.

არ ელოდოთ ფორმალობებს. როგორც წესი, აქ ადამიანები არაფორმალურად საუბრობენ და ერთმანეთს სახელით მიმართავენ.

თურქეთი

არავის აჩვენოთ "OK" ნიშანი. ეს აქ უხამს ჟესტად აღიქმება.

სცადეთ, ბევრი არ დალიოთ. საზოგადოებაში სიმთვრალე აქ სირცხვილად მიიჩნევა.

არ მოიწმინდოთ ცხვირი და არ ჩაიყოთ ხელი პირში, განსაკუთრებით საზოგადოებრივ ადგილებში.

დიდი ბრიტანეთი

დაიკავეთ რიგი და არ ეცადოთ, ვინმეს გზა მოუჭრათ, თორემ აუცილებლად განგსჯიან ამისთვის.

არ ჰკითხოთ ადამიანებს, რამდენი აქვთ ხელფასი. დიდ ბრიტანეთში სასაუბროდ კარგი თემა ეს ნამდვილად არაა.

არ დაპატიჟოთ უცნობები სადმე; მხოლოდ ახლო მეგობრები მიიწვიეთ სასურველ ადგილას.

ირლანდია

არ სცადოთ საუბარში ირლანდიელებს მიჰბაძოთ. მათთვის ირლანდიური აქცენტი არ არსებობს; აქცენტებს იმის მიხედვით განასხვავებენ, თუ რომელი რეგიონიდან არიან წარმოშობით.

ნუ იქნებით ხელმომჭირნე. ღამით ბარებში სმა არ დაიწყოთ, თუ ბევრი ლუდის საყიდლად საკმარისი ფული არ გაქვთ.

გერმანია

მისასალმებლად ნაცისტური ჟესტი არ გამოიყენოთ! ეს კრიმინალად ითვლება და შეიძლება, მაშინვე დაისაჯოთ.

ნუ მიაშტერდებით ხალხს. აქ ამას მხოლოდ ღარიბები და ცუდად აღზრდილები აკეთებენ.

არ სცადოთ, იყოთ ზედმეტად მეგობრული. ტიპურ გერმანელს დრო სჭირდება, სანამ ახალგაცნობილს შეეჩვევა.

არავის მიულოცოთ დაბადების დღე წინადღით. გერმანელებს ამ საკითხთან დაკავშირებით ცრურწმენა ახასიათებთ. სჯერათ, რომ ეს ცუდის ნიშანია და დაბადების დღეზე შეიძლება მოკვდნენ კიდეც.

კენია

არ გამოხატოთ რელიგიისადმი უპატივცემულობა. ადგილობრივების უმეტესობა რელიგიურია.

იყავით მომთმენი. განრიგის მიხედვით აქ თითქმის არაფერი ხდება.

არ ისაუბროთ სექსზე უცნობებთან.

არავის მიმართოთ სახელით, თუ ჯერ თვითონ არ მოუმართავთ ასე.

მალაიზია

არასდროს არავის შეეხოთ თავზე, ბავშვებსაც კი. აქ თავი სხეულის ყველაზე წმინდა ადგილად მიიჩნევა.

კორეა

როცა რამეს, განსაკუთრებით კი ფულს, ხელში გაძლევენ, მის ასაღებად ორივე ხელი გამოიყენეთ. ეს პატივისცემის ნიშანია.

ასევე დაგაინტერესებთ:

1. მოგზაურები გირჩევენ, ამ ტურისტულ სანახაობებში ფული არ გაფლანგოთ

2. გამოვლინდა 15 ყველაზე ინტერნეტდამოკიდებული ქვეყანა მსოფლიოში

3. გირჩევთ, ეს 5 ნივთი საფულეში არ შეინახოთ