„ცუდი ხალხი“ “Discover Film Festival”-ზე საუკეთესო დრამატული ჯილდოს მფლობელი გახდა.
ფილმის რეჟისორი გიორგი თავართქილაძეა და 1990-იანი წლების სამოქალაქო დაპირისპირებაზეა გადაღებული. მთავარ როლებს მსახიობები ვახო ჩაჩანიძე, ჯანო იზორია და დავით კვირცხალია ასრულებენ. სურათის მსოფლიო პრემიერა, 25 მარტს, ჰონგ-კონგის საერთაშორისო კინოფესტივალზე გაიმართა. ცოტა ხნის შემდეგ კი, Discover Film Festival-ამდე, ლოს-ანჯელესის საერთაშორისო კინოფესტივალის ჯილდო მიიღო.