როგორც ერთ-ერთი ლათინური ანდაზა გვამცნობს, რამდენი ადამიანიც არსებობს, იმდენი აზრია. ვიღაცას მსუბუქი რუჯი ხიბლავს, ვიღაცას კი არისტოკრატული სიფერმკრთალე ურჩევნია, როგორც მაგალითად, დიტა ფონ ტიზს.

თუკი თქვენც უფრო მეორე ვარიანტს ანიჭებთ უპირატესობას, გაითვალისწინეთ ეს მარტივი რჩევა, რომელიც ერთხელ და სამუდამოდ არასასურველი პიგმენტური ლაქებისა და ნამზეურის მოცილებაში დაგეხმარებათ. ამის საუკეთესო საშუალებად კი, ორი ისეთი პროდუქტი ითვლება, რომელიც სახლში ნებისმიერ თქვენგანს მოეპოვება - ეს არის ბრინჯი და რძე.

მაშ ასე, მათეთრებელი სკრაბის მოსამზადებლად თქვენ დაგჭირდებათ:

1. ჭიქა უმი ბრინჯი

2. ნახევარი ჭიქა რძე

1 ნაბიჯი - ბრინჯი ისე უნდა დაფქვათ, რომ ფხვნილის კონსისტენცია მიიღოთ.

2 ნაბიჯი - დაფქვილ ბრინჯს დაამატეთ ნახევარი ჭაქა რძე.

3 ნაბიჯი - აურიეთ ერთმანეთში ეს ორი ინგრედიენტი, ისე რომ ერთგვაროვანი მასა მიიღოთ. და ჰოი საოცრებავ, ჩვენი სასწაულმოქმედი სკრაბიც მზად არის.

გამოყენების წესი:

მსუბუქი მასაჟის საშუალებით დაიტანეთ სკრაბი სახესა და ყელზე და დაიტოვეთ ნაზავი 10 -15 წუთის განმავლობაში, რის შემდეგაც თბილი წყლით კარგად ჩამოიბანეთ. სასურველი ეფექტის მისაღწევად პროცედურა კვირაში 2-3 ჯერ გაიმეორეთ.