x
როგორ შექმნა ღმერთმა ქალი?

image
ანგელოზმა ღმერთს ჰკითხა: რა ნაკლი აქვს ქალს? - ღმერთმა კი იცით რა უპასუხა
როცა ღმერთი ქალს ქმნიდა, გვიანობამდე მუშაობდა. სამყაროს შექმნის მეექვსე დღე იდგა...

მივიდა ღმერთთან ანგელოზი და ჰკითხა:
- რატომ ხარჯავ ამდენ დროს მასზე, სხვა დანარჩენი ხომ უცებ შექმენი?

ღმერთმა უპასუხა:
- იცი, რამდენი რამ უნდა გავითვალისწინო?
მას უნდა შეეძლოს მოქმედება ნებისმიერ სიტუაციაში;
უნდა შეეძლოს, ერთდროულად რამდენიმე ბავშვს მოხვიოს ხელები;
უნდა შეეძლოს, თავისი მოფერებით ნებისმიერი ჭრილობა მოუშუშოს მათ;
თანაც მას მხოლოდ ორი ხელი ექნება.

- მხოლოდ ორი ხელით? ეს ხომ შეუძლებელია! - გაოცდა ანგელოზი და ქალს მიუახლოვდა, - როგორი ნაზია!
- დიახ, – უპასუხა ღმერთმა, – ნაზია, მაგრამ ძალიან ძლიერია. იმდენის გადატანა შეუძლია, ვერც კი წარმოიდგენ.

- ფიქრიც შუძლია?
- ფიქრიც შეუძლია, ლოგიკურად მსჯელობაც, სერიოზული გადაწყვეტილებების მიღებაც.
ანგელოზმა ქალს ლოყაზე ხელი შეახო.

- ღმერთო, შენი ქმილება წვეთავს. ეტყობა ბევრი ფუნქცია დააკისრე და ვეღარ უძლებს.
- ეს ცრემლებია, - შეუსწორა ღმერთმა.

- რა არის ცრემლები?
- ცრემლები ის არის, რითიც ქალი გამოხატავს ტკივილსა და მარტოობას, ტანჯვასა და ბედნიერებას. ქალი ჩემი უნიკალური ქმნილებაა, რომელიც ნებისმიერს აჯობებს გამბედაობით. შეუძლია, ოჯახში სიყვარული და სითბო შეინარჩუნოს. აქვს ძალა, გაიღიმოს მაშინ, როცა ტირილი უნდა და ბოლომდე იბრძოლოს იმისთვის, რისიც სჯერა. მისი სიყვარული უსაზღვრო და უპირობოა.

ბოლოს ანგელოზმა ღმერთს ჰკითხა:

- ანუ იგი სრულყოფილია?
- არა, - უპასუხა ღმერთმა.

- და რა ნაკლი აქვს ქალს?
- მისი ნაკლი ის არის, რომ ხშირად ავიწყდება საკუთარი თავის ფასი. ამ დროს იგი უდიდეს პატივისცემას იმსახურებს, განსაკუთრებით კაცისგან, რომლისთვისაც ბევრ რამეს თმობს, როცა ცოლად მიჰყვება: ტოვებს თავის სახლს; ტოვებს თავის მშობლებს; უჩენს შვილებს უდიდესი ტკივილის ფასად; უზრდის შვილებს და მათ ამ კაცის გვარს აძლევს.

ასე რომ, ქალი შეუდარებელია, მისი არსებობა კი - შეუფასებელი!

0
537
2-ს მოსწონს
ავტორი:მეტრიკ
მეტრიკ
537
  
კომენტარები არ არის, დაწერეთ პირველი კომენტარი
0 1 0