დასვენება საქართველოში თბილისელებს და დედაქალაქის სტუმრებს ცაში ქეიფი შეეძლებათ 2019, 13 აპრილი, 14:47
თბილისში 15 მაისს, კერძოდ კოჯორში, ბიოლის ცენტრში ახალი რესტორანი Dinner in the Sky (ვახშამი ცაში) გაიხსნება, აწი თბილისელებს და დედაქალაქის სტუმრებს ცაში, 50 მეტრის სიმაღლეზე ქეიფი შეეძლებათ.
სპეციალურ ამწეზე დაკიდებულ მაგიდასთან შესაძლებელი ერდროულად 22 ადამიანის მომსახურეობა. მაგიდის დაჯავშნა უკვე შესაძლებელია. ფასი ერთ ადამიანზე 199-დან 345 ლარამდეა. აღსანიშნავია, რომ სტუმრებს ცაში დაკიდების დროს რამდენიმე რეკომენდაციის გათვალისწინება მოუწევთ. მაგალითად, საპირფარეშოთი სარგებლობა სიმაღლეზე შეუძლებელია, აკრძალულია მოწევაც. Dinner in the Sky ბელგიური რესტორნების ქსელია, რომლის იდეაც 2006 წელს დაებადა დევიდ გიზელს, მარკეტინგული და საკომუნიკაციო კომპანიის მფლობელს, რომელმაც ბანდი ჯამპინგის ორგანიზატორს სტეფან კერჰოფსთან ერთად გააკეთა პირველი საჰაერო ვახშამი ასოციაცია Jeunes Restaurateurs d'Europe-სთვის. იდეა იმდენად პოპულარული გახდა, რომ წამოვიდა შეკვეთები მსოფლიოს სხვადასხვა ქვეყნებიდან, 2009 წლისთვის რესტორნები ცაში უკვე 10-ზე მეტ ქვეყანაში იყო, მათ შორის კანადაში და ჩინეთში. 436 4-ს მოსწონს
|