31 მარტს თურქეთში ჩატარებული ადგილობრივი არჩევნებიდან ერთი კვირის თავზე საბოლოო შედეგები ჯერ კიდევ არ არის ცნობილი, ამის მიზეზი კი არის ის ძალიან რთული მდგომარეობა, რომელშიც თურქეთის პრეზიდენტი და მმართველი სამართლიანობისა და განვითარების პარტია (AKP) აღმოჩნდა. მმართველი პარტია თურქეთის სიდიდით სამ ქალაქში ოპოზიციურ თურქეთის სახალხო რესპუბლიკური პარტიასთან (CHP) დამარცხდა.

შედეგები შემდეგნაირად განაწილდა:

სტამბოლი (მოსახლეობა - 15, 070, 000 ადამიანი)
CHP – 48.80%,
AKP – 48.55%;

იზმირი (მოსახლეობა - 4, 280, 000 ადამიანი)
CHP – 58.10%,
AKP – 38.69%

რა თქმა უნდა, ეს არ არის საამაყო შედეგი ერდოღანისთვის. ეს არჩევნები ერდოღანმა ეროვნული უსაფრთხოებისთვის ბრძოლის ხარისხში აიყვანა. წინასაარჩევნო კამპანიისას ის თავად გამოდიოდა სიტყვით, ხვდებოდა მოსახლეობას და იძლეოდა ძალიან ბევრ დაპირებას, პირველ რიგში კი იმაზე, რომ თურქეთში დაიწყებოდა ეკონომიკური წინსვლა და განვითარება.

ერდოღანის ძალისხმევამ არ გაამართლა. თურქეთის მოსახლეობა დაახლოებით 80 მილიონი ადამიანისგან შედგება. აქედან დაახლოვებით 25 მილიონი ადამიანი მხარს უჭერს ოპოზიციურ პარტიას, ეს ყველაფერი კი ხდება მას შემდეგ, რაც ერდოღანმა 2017 წელს ჩატარებული საკონსტიტუციო რეფერენდუმის შემდეგ პრეზიდენტის ძალაუფლება გაზარდა.