გველისფერი ქართულ მითოლოგიაში მოიხსენიება და აღიწერება, როგორც უზარმაზარი ქვეწარმავალი, რომელიც ეხმარება ღვთაებებს. გველისფერი გამოისახება ჯაჭვით დაბმული გველის ან გველეშაპის სახით. თავზარდამცემი გველისფერი თავგანწირვით იბრძვის ღვთაების დასაცავად, განგმირავს მის მტრებს, ხოლო ღვთაების ერთგულ მსახურებს გასაჭირში ეხმარება. ჯაჭვისგან აშვებული გველისფერი ხშირად სასტიკად სჯის ღვთაების ურჩ თაყვანისმცემლებს. გველისფერი უფრო მეტად ემსახურება არა ღმერთებს, არამედ მორიგე ღმერთის შვილებს, ე.წ. ხვთისშვილებს ანუ ღმერთის ნასახებს, მის წულებს (ვაჟებს). მორიგე ანუ მომრიგე ღმერთს სულ 3000 ნასახი ჰყავდა და თითოეული 17, 000 წელს ცოცხლობდა. მათი დაბადების მიზეზი და უმთავრესი დანიშნულება ადამიანთა ავსულებისგან დაცვა იყო. სწორედ ამ საქმეში ეხმარებოდა ხვთისშვილებს გველისფერი.

ასევე დაგაინტერესებთ:

1. 160 სამეცნიერო სტატია

2. 100 სტატია საქართველოს ისტორიისა და კულტურის შესახებ

3. 64 სტატია საქართველოს ისტორიისა და კულტურის შესახებ

4. 40 სტატია რელიგიის შესახებ

ავტორი: თორნიკე ფხალაძე