გორში დასრულდა მალხაზ კობაურის სასამართლო, რომელიც სმიტების ოჯახზე დამამძიმებელ გარემოებებში ჩადენილი მკვლელობისთვის და გაუპატიურებისთვის იყო ბრალდებული.

ნაფიცმა მსაჯულებმა მალხაზ კობაური ერთხმად ცნეს დამნაშავედ სისხლის სამართლის კოდექსის 137-ე მუხლის პირველი ნაწილითა და 109-ე მუხლის პირველი ნაწილის “გ“, მეორე ნაწილის “ბ“ და მესამე ნაწილის “ა“ და “ბ“ ქვეპუნქტებით და სასჯელის სახედ შეეფარდა უვადო თავისუფლების აღკვეთა.

ამ ფაქტთან დაკავშირებით საქართველოს პროკურატურა განცხადებას ავრცელებს:

"ბრალდების მხარემ აღნიშნულ სისხლის სამართლის საქმეზე ჩატარებულ სასამართლო სხდომებზე ბრალდებულის მიერ ჩადენილი დანაშაულის დამადასტურებელი უტყუარი მტკიცებულებები გამოიკვლია. დაიკითხა ათობით მოწმე, გამოკვლეული იქნა დოკუმენტალური და ნივთიერი მტკიცებულებები, მათ შორის მკვლელობის იარაღი - სანადირო თოფი, რომელზეც მსხვერპლის და ბრალდებულის დნმ იქნა აღმოჩენილი.