რუსეთში მოღვაწე ქართველი მომღერალი გიგა კვენეტაძე სოცილური ქსელში ვიდეო მიმართავს ავრცელებს და საზოგადოების იმ ნაწილს მიმართავს, ვინც თვლის რომ რუსეთში მოღვაწე ადამიანი სამშობლოს მოღალატეა.

ის საზოგადოებას სთხოვს თავი შეიკავონ მსგავსი განცხადებებისგან და თუ მაინც თავს არ შეიკავებენ რჩევასაც აძლევს.

მისივე განცხადებით, ის რუსეთის საავტორო საზოგადოების წევრია.

„მოგესალმებით, ძვირფასო მეგობრებო, მე ვარ გიგა კვენეტაძე და ვარ „რაო“-ს ანუ, რუსეთის საავტორო საზოგადოების წევრი. მინდა გითხრათ ყველას, ვინც ფიქრობთ, რომ ყველა ის ადამიანი, ვინც რუსეთში მოღვაწეობს, არის საქართველოს, სამშობლოს მოღალატე, ძალიან გთხოვთ, თავი შეიკავოთ ასეთი განცხადებებისგან. თუ მაინც არ შეიკავებთ თავს ასეთი უაზრო განცხადებებისგან, მთაწმინდა უკაცრავად, მაინც სიწმინდესთან ასოცირდება, მე ვცხოვრობ გორაზე, ქალაქ ქუთაისში, ძალიან დიდი დაღმართია და იქიდან გამოექანეთ. მადლობა“, – აცხადებს ვიდეომიმართვაში კვენეტაძემ.

მის ამ ვიდეომიმართვას მისივე მეგობრები ეხმაურებიან და გიგას საქციელს უწონებენ. მათი თქმით, რუსეთში მოღვაწე ადამიანები მოღალატეები არ არიან და მომღერლას მოუწოდებენ რომ მათ არ მოუსმინოს და არ აყვეს.