მსახიობი ქეთევან კიკნაძე პოლიტიკოს გუბაზ სანიკიძეს გაუნაწყენდა და სოციალური ქსელით ბოდიშის მოხდა მოსთხოვა.

როგორც კიკნაძე წერს, ის ქართველ ხალხს შეურაცხყოფას აყენებს და ამის გამო ბოდიში აქვს მოსახდელი.

"გუბაზ სანიკიძეს:. რამდენ უფლებას აძლევ თავს, ვინ გგონია თავი შე არაკაცო! შეურაცხყოფას, აყენებ ქართველ ხალხს. მართლაც, რომ არ გამოდგები ნახირის მწყემსად კი არა, სახრედაც არ გამოდგები.სალაფავს შენ ეძებ. ბოდიში მოიხადე საზოგადოების წინაშე."- წერს ქეთევან კიკნაძე.

მის ფეისბუქპოსტს რამდენიმე გამოხმაურება აქვს, სადაც გუბაზ სანიკიძეს უარყოფით კონტექსტში მოიხსენიებენ და თვითონ მსახიობიც კიდევ ერთ კომენტარს აკეთებს:

"ჩემი ოჯახის მეგობრის შვილი ახლოს რომ იყოს უარესს ვეტყოდი, მაგრამ ხალხის მერიდება.ვის დაემგვანა ნეტავ. მამამისი უწმინდესი კაცი და ნიჭიერი იყო. თუ კაცია საქმეს მიხედოს მაგან, მაგრამ არაფერი არ აღმოაჩნდა თავში.."- წერს ის.

შეგახსენებთ, რომ გუბაზ სანიკიძემ მმართველი პარტიის მიმართ კრიტიკული განცხადება გააკეთა და პოლიტიკური უმრავლესობის წევრები ნახირს შეადარა.

„ბიძინას ნახირი ხართ, სალაფავს მისეულები, ხელფასზე გაყიდული სამშობლო – ესაა საქართველო“, – ამის შესახებ გუბაზ სანიკიძემ განაცხადა.

სწორედ მისი ეს განცხადება გახდა მსახიობის გაბრაზების მიზეზი.