კანადის წყნარი ოკეანის რკინიგზა (Canadian Pacific Railway) გადაშლილია ვანკუვერიდან მონრეალამდე, ასევე გადის აშშ-ს ისეთ მსხვილ ქალაქებში, როგორებიცაა მინეაპოლისი, ჩიკაგო და ნიუ-იორკი.

ამ ქსელის აშენებას თავის დროზე სიგიჟედ თვლიდნენ, რადგან ეს იყო ერთ-ერთი ყველაზე მამაცი გადაწყვეტილება რკინიგზის ისტორიაში.

ყველაფერი დაიწყო 1867 წელს, როდესაც ქვეყნის აღმოსავლეთმა პროვონციებმა მოიწვიეს კონფერენცია. დასავლეთით მდებარებდა ულევი პრერიები და შეუსწავლელი მთები, მათ შემდეგ კი წყნარი ოკეანის სანაპიროზე, ბრიტანული კოლუმბია, რომელსაც დიდი ხნის განმავლობაში ვერ გადაეწყვიტა ვის შეერთებოდა აშშ-ს თუ კანადას.

1881 წელს უილიამ ვან ჰორნის მეთაურობით დაიწყო რკინიგზის მშენებლობა (უილიამ ვან ჰორნი ჰოლანდიური წარმოშობის ამერიკელი იყო). გზა პრერიების გავლით ძალიან სწრაფად გაიყვანეს, სულ რაღაც 15 თვეში. ქალაქ ვინიპეგში მდებარეობდა მომმარაგებელი ბაზა, საიდანაც დასავლეთით მიემართებოდნენ სამშენებლო მასალებით დატვირთული მატარებლები, ამასთან თითოეული მათგანი დატვირთული იყო ზუსტად 1 მილი გზის გასაყვანად საჭირო მასალებით.

კანადის წყნარი ოკეანის რკინიგზის მშენებლობა საიჟინრო საქმის ნამდვილი გამარჯვება იყო. უზარმაზარი მანძილი, ახალი რეგიონების აღმოჩენა, კლდოვანი მთების გადალახვა იმ ფაქტთან ერთად, რომ რკინიგზაც შეჰქონდა ცივილიზაცია დასავლეთში წარმოადგენდა რომანტიკით სავსე ეპოპეას.

გზაზე მრავლად გვხვდება გვირაბები და უზარმაზარი ხიდები.

ორმხრივი მოძრაობის ხიდი კვეთს წმინდა ლავრენტის მდინარეს, მონრეალთან ახლოს. მისი სიგრძე 1115 მეტრია, წყლის დონიდან მაქსიმალური დაშორება 17 მეტრი. მოძრაობისთვის გაიხსნა 1912 წელს.

ლეთბრიჯის ვიდუაკი კვეთს მდინარე ბელლის, ალბერტის პროვინციაში. სიგრძე 1624 მეტრი. დგას 67 ბჯენზე. წყლის დონიდან მაქსიმალური დაშორება 90, 7 მეტრი.

კანადის წყნარი ოკეანის რკინიგზის სისტემის სიგრძე მხოლოდ კანადის ტერიტორიაზე 27 340 კმ-ს შეადგენს.