ესპანეთის დედოფალი ლეტიცია - ქორწინებამდე Letizia Ortiz Rocasolano დაიბადა 1970 წლის 15 სექტემბერს საშუალო ფენის ოჯახში. მამამისი ჟურნალისტი იყო, დედამისი მედდა. ლეტიცია თავადაც მუშაობდა ჟურნალისტად 2003 წლამდე, სანამ გამოცდახდებოდა მისი ნიშნობა ესპანეთის ტახტის მემკვიდრე პრინც ფილიპესთან.

1997 წელს, 10 წლიანი ურთიერთობის შემდეგ ის დაქორწინდა Alonso Guerrero Pérez-ზე, თუმცა ქმარს 1 წელიწადში დაშორდა.

2003 წელს კი გაიცნო ესპანეთის პრინცი და ტახტის მემკვიდრე - ფილიპე, რომელზეც 2004 წელს იქორწინა. მიუხედავად მაშინდელი მეფე-დედოფლის წინააღმდეგობისა, ფილიპემ განაცხადა რომ უარს იტყოდა ტახტზე თუ ქორწინების უფლებას არ მიიღებდა.

წყვილს 2 ქალიშვილი ჰყავს. 2005 წელს დაიბადა პრინცესა ლეონორი, რომელიც ესპანეთის ტახტის მემკვიდრეა. 2007 წელს კი პრინცესა სოფია.

2014 წელს მეფე ხუან-კარლოსი ტახტიდან გადადგა, რის შემდეგაც ფილიპე ესპანეთის მეფე, ხოლო ლეტიცია ესპანეთის დედოფალი გახდა. ის პირველი არადიდგვაროვანი დედოფალია ესპანეთში.