საქართველოს სამეფო ოჯახის გარშემო მორიგმა სკანდალმა იჩინა თავი. თუმცა ამ შემთხვევაში სკანდალის პროვოცირებაში გარეშე პირის დადანაშაულება არასწორი იქნება.

ამ შემთხვევაში ყოფილ მეუღლეს, დავით ბაგრატიონ მუხრანელს, ანა ბაგრატიონ-მუხრანელი უჩივის. ანა ბაგრატიონი მამასთან, ნუგზარ ბაგრატიონთან ერთად დავით ბაგრატიონ-მუხრანელს სამეფო ოჯახის სახელის უნებართვოდ გამოყენებას ედავებიან.

ნუგზარ და ანა ბაგრატიონები დავით ბაგრატიონ-მუხრანელისთვის სამეფო სახელის გამოყენების აკრძალვას და ზიანის ასანაზღაურებლად სიმბოლურად ერთ ლარს ითხოვს.

ბაგრატიონთა ორ შტოს შორის არსებულ დაპირისპირებაზე თბილისის სამოქალაქო სასამართლო იმსჯელებს. საქმის სირთულიდან გამომდინარე საქმეზე სამი მომსამართლისგან შემდგარი კოლეგია იმუშავებს.

საქმის პირველ განხილვას ანა ბაგრატიონი დაესწრება.

შეგახსენებთ რომ დავით და ანა ბაგრატიონებმა 2009 წლის 8 თებერვალს სამების საკათედრო ტაძარში დაიწერეს თვალი.