დიდხნიანი ლოდინის შემდეგ იურიდიული კომიტეტის ყოფილი თავმჯდომარე და პარტია "ქართული ოცნების" ერთ - ერთი დამფუძნებელი ეკა ბესელია ტელეკომპანია "რუსთავი 2" - ში გიორგი გაბუნიას საავტორო გადაცემაში " არჩევანი" ხანგრძლივ ინტერვიუს აძლევს, რომელიც სოციალურ ქსელში განხილვის აქტიურ საგნად იქცა. მათ შორის ჟურნალისტის შეკითხვაზე, თუ რატომ არ ახსენებს ეკა ბესელია ბიძინა ივანიშვილს და რატომ მას არ სთხოვს გახმაურებულ ფაქტებზე პასუხს, ეკა ბესელიას პასუხი ასეთი იყო: - " მე გახსოვთ ალბათ გიორგი თავდაცვის ყოფილ მინისტრთან ირაკლი ოქრუაშვილთანაც ვიყავი ერთ გუნდში, მაგრამ ვერ დამისახელებთ ვერც ერთ მომენტს, რომ მე ირაკლი ოქრუაშვილზე რამე ცოდი ან საერთოდ რამე ვთქვი". ეკა ბესელიას ამ განცხადებას თავდაცვის ყოფილი მინისტრი ირაკლი ოქრუაშვილი სოციალურ ქსელში და კონკრეტულად კი ფეისბუქის საკუთარ გვერდზე მწვავე სტატუსით გამოეხმაურა. აი რას წერს ოქრუაშვილი ფეისბუქზეე: - "

ბესელიამ, "ივანიშვილზე ცუდი რატომ უნდა ვთქვაო? თავის დროზე ოქრუაშვილისგანაც კი წავედი, მაგრამ მასზე ცუდი არ მითქვამსო".

მაგის პორნოგრაფია მიშამ ჩააწერინა;
მისი შვილი ძებნაზე მიშამ დაასმევინა;
მაგის პორნოგრაფია ბიძინამ გამოაქვეყნებინა;
ქართული ოცნებიდან ბიძინამ გააგდებინა;

მე მხოლოდ მის შვილს ვმალავდი, როდესაც ძებნილი იყო და წელიწადში სამჯერ მაგის შოპინგ-ვოიაჟებს ვაფინანსებდი პარიზში.

და ამ ყველაფრის მერე ჩემზე ცუდი რა უნდა თქვას ამ უტიფარმა დედაკაცმა?

პ.ს. სიტყვა "დედაკაცს" სექსისტურ გამონათქვამად ნუ ჩამითვლით და მაგის გამო ნუ გამაკრიტიკებთ. ძველი ქართული სიტყვაა."