უკვე შექმნილია ქართველი მეომრების რამდენიმე მაღალმხატვრული ნამუშევარი მხატვარ გიორგი წიკლაურის მიერ, რომელიც წარმოგიდგინეთ ამ კოლექციის პირველ ნაწილში (იხ. ქართველი მეომრები - ნაწილი I) ძალიან მნიშვნელოვანია შეიქმნას ქართული მითოლოგიის პერსონაჟების, ღმერთების, ქალღმერთების, გმირების, ნახევარღმერთების, ქართული ზღაპრული არსებების, ურჩხულების და ა.შ. მაღალხარისხიანი არტი. ძალიან მნიშვნელოვანია ასევე შეიქმნას სხვადასხვა ქართული სახელმწიფოს, სამეფოსა და სამთავროს მმართველთა, მეფეების, მთავრების, გმირების, მოწამეების და სხვა დიდ მეომართა პორტრეტები. ასევე ცნობილი თუ უცნობი ქართული ბრძოლების და დიდი ქართული ომების ეპიზოდები. მინდა მივმართო ყველა მხატვარს, რომელიც ამ სტატიებს წაიკითხავს: მიბაძეთ ქართველ მხატვარს - გიორგი წიკლაურს და გაამდიდრეთ საქართველოს კულტურა და ისტორია. აღადგინეთ ჩვენი მიძინებული მრავალათასწლოვანი წარსული და გააცოცხლეთ მისი ხსოვნა, მოახდნეთ საქართველოს ისტორიის და კულტურის პოპულარიზაცია თვალსაჩინოების შექმნით. ამავე დროს მნიშვნელოვანია, რომ დაცული იყოს ისტორიული სინამდვილე და ნახატები უნდა ეყრდნობოდეს როგორც წერილობით აღწერილობებს, ასევე არქეოლოგიურ მასალას, რომელიც ათიათასობით გვაქვს უკვე აღმოჩენილი და საშუალებას გვაძლევს ნათლად აღვადგინოთ ყოველი ეპოქა. მაგალითად:

მეოცე საუკუნის შუა ხანებში ასეთი საინტერესო ექსპერიმენტი ჩაატარა ცნობილმა ქართველმა არქეოლოგმა გიორგი ლომთათიძემ. მისი მითითებით დაიხატა პროტოქართველი მეომარი სრული საბრძოლო აღჭურვილობით, რომელიც რეალობასთან ძალიან ახლოს დგას: ჩაფხუტი აღდგენილია წალკის ერთ-ერთ სამარხში აღმოჩენილი მასალის მიხედვით, იარაღი და სარტყელი კი მცხეთაში, სამთავროში აღმოჩენილი მახვილის ტარისა და ქარქაშის, სატევრის, ცულის პირის, შუბის პირისა და სარტყლის ანალოგია. მეომრის სახის ნაკვთები აღებულია სამთავროსა და წალკაში აღმოჩენილი ბრინჯაოს ქანდაკებებიდან. ტანსაცმელი და ფეხსაცმელი კი წინა აზიაში აღმოჩენილ გამოსახულებათა მიხედვითაა დახატული. წარმოგიდგენთ ამ ნახატს:

სწორედ ასეთი პრინციპით, ისტორიული მონაცემების გათვალისწინებით და დაცვით ქმნის მხატვარი გიორგი წიკლაური იმ ნახატებს, რომელსაც ახლა წარმოგიდგენთ:

1) XI - XIII საუკუნეების ქართველი აზნაური

2) მისიმიელი (სვანი) მეომარი

3) იბერიელი მეომარი. ახ.წ. IV-V საუკუნეებში

4) ფხოველი მეომარი

5) ხალიბი მეომარი პონტოს სამეფოდან

6) ქართველი გლეხი მეომარი XI-XIII საუკუნეებში

7) იბერიელი მეომარი

8) კოლხი მეომარი

9) კოლხი მეომარი

10) შუა საუკუნეების ქართველი ქვეითი

ასევე დაგაინტერესებთ:

1. 160 სამეცნიერო სტატია

2. 100 სტატია საქართველოს ისტორიისა და კულტურის შესახებ

3. სუმელა - უნიკალური მონასტერი ლაზეთში (+40 სტატია)

4. ქართული მითოლოგია - მამბერი (+14 სტატია)

1. ქართული მითოლოგია - თეთრი გიორგი

2. ქართული მითოლოგია - თევდორე

ავტორი: თორნიკე ფხალაძე