გარსევანიშვილები გარსევანოვები, ფეოდალური საგვარეულო საქართველოსა და რუსეთში. განსაკუთრებით დაწინაურდნენ ქართლის სამეფო კარზე მეთვრამეტე საუკუნეში . როდესაც ამ საგვარეულოს წარმომადგენლები ვახტანგ მეექვსის კულტურული, მეცნიერული საქმიანობის აქტიური მონაწილეები და მეფის შვილების აღმზრდელ მასწავლებლები გახდნენ.

ძმები გიორგი და იესე გარსევანიშვილები იყვნენ ვახტანგ მეექვსეს შვილების ვახუშტის, ბაქარისა და გიორგის აღმზრდელები.

იესე იყო სამეფო კარისა და ოქონის ხატის დეკანოზი. ჯვარისმტვირთველი. 1724 გარსევანიშვილები ვახტანგ მეექვსესთან ერთად რუსეთში გადასახლდნენ. და აქ მათმა შთამომავლობამ მიიღო გარსევანოვების გვარი. განსაკუთრებული დამსახურებისათვის რუსეთის მთავრობამ მათ მამულები მისცა.პოლტავის, ხარკოვის და ეკატერინოსლავის გუბერნიებში .