ყველა ზემოთ ჩამოთვლილი სინონიმი ძალზედ მოძველებულია, უკვე თითქმის 30 წელია, კარგმა ექიმებმა იციან რა არის DSM და ICD-10 და იყენებენ ტერმინებს პანიკური აშლილობა (F41), სომატოფორმული აუტონომიური დისფუნქცია (F45.30) ან გენერალიზებული შფოთვითი აშლილობა (F41.1), რაც უფრო ფსიქიატრიულ პროფილს მიეკუთვნება.

არსებობს მოსაზრება რომ დიაგნოზი მოიფიქრეს იმისათვის, რათა ნევროლოგებსაც შეძლებოდათ ანტიდეპრესანტებისა და შფოთვის საწინააღმდეგო პრეპარატების დანიშვნა. თუნდაც ეს სიმართლე იყოს, ექიმი რომელიც ვეგეტოსისხლძარღვოვანი დისტონიის დიაგნოზს სვამს, არცერთ ზემოთ ნახსენებ პრეპარატს არ ნიშნავს.

დღესდღეობით ფსიქოთერაპიულ და ნევროლოგიურ პრაქტიკაში აღინიშნება შფოთვითი აშლილობების მქონე პაციენტთა რიცხვის მატება, სიმპტომები ძალზედ მრავალფეროვანია, თუმცა ორგანული მიზეზი არ ჩანს, პაციენტის მღელვარება განსაკუთრებით მაშინ იმატებს, როდესაც ექიმმა არ იცის რა დიაგნოზი დასვას.

სიმპტომები ძალზედ მრავალფეროვანია: თავის ტკივილი

როგორ ვიცხოვროთ დიაგნოზით, რომელიც არ არსებობს.

ვეგეტოსისხლძარღვოვანი დისტონია, განსაკუთრებული დიაგნოზია, რომელი ძალიან უყვართ ძველი თაობის ექიმებს და ძალიან არ უყვართ ექიმებს, რომლებიც კითხულობენ თანამედროვე ლიტერატურას და იციან რა არის მტკიცებითი მედიცინა.

ყველაფერი იმიტომ, რომ ასეთი დიაგნოზი არ არსებობს, არ არის საერთაშორისო კლასიფიკაციაში, თუმცა ხშირად გვხვდება სამედიცინო ისტორიებში, არსებობს უამრავი მასალა, ფორუმი და ინფორმაცია ინტერნეტში, რომელიც მთელ რიგ რჩევებს გვთავაზობს, თუ როგორ ვუმკურნალოთ ამ დაავადებას.

ვეგეტატიური ნერვული სისტემა – ადამიანისა და ხერხემლიანი ცხოველების ნერვული სისტემის ნაწილი, რომელიც არეგულირებს შინაგანი ორგანოების მოქმედებას, ნივთიერებათა ცვლის პროცესებს და აქედან გამომდინარე, ყველა ქსოვილის ფუნქციურ მდგომარეობას. მოკლედ რომ ვთქვათ, ეს იმ სისტემის ნაწილია, რომელზეც ჩვენ გავლენას ვერ ვახდენთ, სისტემა აკონტროლებს ასევე გულის რითმს, საჭმლის მონელებას, სისხლის წნევას. დისტონია იდეაში, რაიმეს მოშლას, დარღვევას ნიშნავს.

პაციენტებს აწუხებთ კონკრეტული, თუმცა სხვადასხვა სიმპტომები, ვიღაცას აჩქარებული პულსი და ხელების კანკალი აწუხებს, ზოგს თავბრუსხვევა და ტკივილი გულმკერდში, ზოგს დაღლილობა და უძილობა, ხანდახან ყველაფერი ერთად, ამავდროულად ვერანაირ ნორმიდან გადახრას ვერ ხედავენ ვერც კარდიოლოგები, ვერც გასტროენტეროლოგები და თავად ნევროლოგებიც. სწორედ ასე ჩნდება დიაგნოზი ვეგეტო სისხლძარღვოვანი დისტონია.