x
მეტი
  • 28.03.2024
  • სტატია:134040
  • ვიდეო:353919
  • სურათი:508247
ხანგრძლივი სიცოცხლის საიდუმლო და ქალი, რომელმაც 122 წელს გადააბიჯა

ჟანა კლემენტი

ადამიანი, რომელმაც დედამიწაზე ყველაზე დიდხანს იცოცხლა და ვისი დიდხანს სიცოცხლის ფაქტი დოკუმენტურად არის დასაბუთებული და დადასტურებული, იყო ფრანგი ჟანა კალმენტი. ის 1875 წლის 21 თებერვალს დაიბადა, ხოლო 1997 წლის 4 აგვისტოს გარდაიცვალა 122 წლის და 164 დღის ასაკში.


ჟანამ 85 წლის ასაკში დაიწყო ფარიკაობის სწავლა, ხოლო 110 წლის... ველოსიპედს ატარებდა.


1896 წელს, 21 წლისამ დაიწყო სიგარეტის მოწევა. 96 წლის შემდეგ, 117 წლის ასაკში, 1992 წელს სცადა, სიგარეტისთვის თავი დაენებებინა, თუმცა 1 წლის შემდეგ მოწევა განაახლა. მოწევას თავი იმ ერთი წლის მანძილზეც მხოლოდ იმიტომ დაანება, რომ თვალთ დააკლდა და არ უნდოდა, სხვებისთვის ეთხოვა, სიგარეტზე მომიკიდეთო.



ჟანას ასევე ძალიან უყვარდა პორტვეინი და წითელი და თეთრი ღვინოები.


სიგარეტი და ალკოჰოლი მისი მთავარი გატაცებები იყო.


ჟანა იცნობდა ვინსენტ ვან გოგს. გენიალური მხატვარი მან მაშინ გაიცნო, როცა სულ პატარა გოგო გახლდათ. ჟანა ყველა ახლობლის და ნათესავის სიკვდილს შეესწრო და ყველა ნაცნობზე საშუალოდ 2-ჯერ დიდხანს იცოცხლა.


შარშან საქართველოში 100 წელს გადაცილებული 849 ადამიანი ცხოვრობდა. აქედან 695 ქალი იყო, ხოლო 154 – კაცი. 110 წელს იყო გადაცილებული 58 ადამიანი. აქედან 52 იყო ქალი, 6 კი – მამაკაცი.


ასაკის მკვლევარების პროგნოზით, თუ ომი არ მოხდება ან რაიმე გლობალური მასშტაბის პანდემია არ იფეთქებს, ყოველ მომდევნო ათწლეულში გაორმაგდება 100 წელს გადაცილებული ადამიანების რიცხვი. ასე მაგალითად, 2029 წელს გვეყოლება 1600-ზე მეტი 100 წელს გადაცილებული ადამიანი, 2039 წელს – 3200-ზე მეტი, 2049 წელს – დაახლ. 6400, 2059 წელს – 12 800 და ასე გაგრძელდება მანამ, სანამ 100 წელი სიცოცხლის ისეთივე მიჯნა არ გახდება, როგორიც დღეს არის 40 თუ 50 წელი.


კიდევ რაც ყველაზე საინტერესოა: მომავალში ქალების და კაცების სიცოცხლის ხანგრძლივობა გათანაბრდება.


მაგრამ დავუბრუნდეთ ჟანა კალმენტს. როგორ იცოცხლა მან თითქმის 123 წელი, მიუხედავად იმისა, რომ სიგარეტს და ალკოჰოლს მოიხმარდა? რა საიდუმლო იმალება მისი ასეთი დღეგრძელობის მიღმა?


როგორც მკვლევარები განმარტავენ, ჟანას დაეხმარა მისი ძალიან კარგი კავშირები საყვარელ ადამიანებთან და მეგობრებთან. თურმე, სიგარეტს რომ არ ეწევი და მავნე ჩვევებზე უარს ამბობ, ხომ კარგია, მაგრამ ყველაზე მთავარი მაინც სასიამოვნო და კომფორტული ურთიერთობებია.


როგორც მკვლევარებმა შენიშნეს, იმ ადამიანების მესამედზე მეტი, ვინც 100 წელს გადასცდა, დაიღუპა იმავე ადგილას, სადაც დაიბადა. ამრიგად, ხანგრძლივი სიცოცხლისთვის თურმე ძალიან მნიშვნელოვანია, ცხოვრობდე მშობლიურ გარემოში. ხოლო თუ შენივე საკუთარ მშობლიურ გარემოში გაქვს კარგი სოციალური ქსელი და საყვარელი მეგობრებით და ახლობლებით ხარ გარემოცული, ეს ისევე მოქმედებს, როგორც უკვდავების წყარო.


კარგი მეგობრების, კეთილი ახლობლების და ნათესავების ყოლის გარდა ძალიან მნიშვნელოვანია ასევე სოციალური კეთილდღეობაც. მდიდრები ბევრად უფრო დიდხანს ცოცხლობენ, ვიდრე ღარიბები.


მკვლევარების მტკიცებით 2007 წელს და მომდევნო წლებში დაბადებული ბავშვების ნახევარზე მეტი 100 წლის ასაკს გადააბიჯებს და 22-ე საუკუნის დასაწყისში საუკუნეზე მეტხანს სიცოცხლე ჩვეულებრივი მოვლენა გახდება.

4
1063
3-ს მოსწონს
ავტორი:დავითი ჩუთლაშვილი
დავითი ჩუთლაშვილი
1063
  
2019, 16 თებერვალი, 1:22
ეგ ვის ანაღვლებს მთავარი სტატისტიკაა. გამოთვალეს და ეგ არი. 5-6 წლის ბავშვები შიმშილით რომ იხოცებიან ის არ ითვლება
2019, 16 თებერვალი, 1:20
ნუ აგინებ დაგაჯარიმებენ. ბიძინას რჩეულისთვის შეურაცყოფის მიყენებისთვის :)
2019, 15 თებერვალი, 19:41
ყველაფერი ძალიან სასიხარულოა,მაგრამ ამ მოწამლული ჰაერისა და საკვების გამო. როცა , თურმე ყველსაც კი პალმის ზეთისაგან ამზადებენ, გავძლებთ კი?
2019, 15 თებერვალი, 10:25
კომენტარი ცარიელია ან წაშლილია

0 1 4