წინანდალში, სასტუმრო “ ქოლექშენში" საფერავის პირველი საერთაშორისო კონკურსის დაჯილდოვების ცერემონია გაიმართა.

გარემოს დაცვისა და სიფლის მეურნეობის მინისტრის, ლევან დავითაშვილის განცხადებით, საფერავის საერთაშორისო კონკურსის მიზანი, საფერავის როგორც წამყვანი ქართული ვაზის ჯიშის და მისგან წარმოებული, მრავალფეროვანი ღვინოების ცნობადობის ამაღლებაა მთელ მსოფლიოში.

“ ეს არის ძალიან მნიშვნელოვანი ტრადიციის დასაწყისი, საფერავი განსაკუთრებულ ადგილს იკავებს ქართულ მეღვინეობაში. ჩვენ ვფიქრობთ რომ საფერავი გახდება ლიდერი ქართული ღვინის ახალ ბაზრებზე.

სწორედ ამ ჯიშის და მისგან დამზადებული ღვინოების პოპულარიზაცია არის ჩვენი მთავარი ამოცანა, რაშიც საფერავის საერთაშორისო კონკურსი დიდ წვლილს შეიტანს " – აღნიშნა მან.

კონკურსში გამარჯვებულ კომპანიებსა და მცირე მარნებს ოქროს, ვერცხლის და ბრინჯაოს დიპლომები გადაეცათ. მინისტრმა დამსახურებული მეღვინეებიც დააჯილდოვა .

წელს ეს წოდება მერაბ მიქაშავიძემ, თეიმურაზ გონჯილაშვილმა, დავით მაისურაძემ, გიორგი დაქიშვილმა და დავით მაღრაძემ მიიღეს .

რას ამბობენ ტურისტები ჩვენზე.

იცოდე სანამ წახვალ.

ქართული ტრადიციული სამზარეულო და მასთან შესაფერისი ღვინოები

ქართული ღვინო და ტრადიციული საახალწლო კერძები, თევზეული ღვინო“ ცქრიალასთან"

ქართული ყურძნის ჯიშები მარსზე.