ზესტაფონის მუნიციპალიტეტის სოფელ მარტოთუბანში ძმამ ძმა მოკლა, ინფორმაციას შინაგან საქმეთა სამინისტო ავრცელებს.

როგორც გამოძიებამ დაადგინა, 1 თებერვალს ურთიერთშელაპარაკების ნიადაგზე, საკუთარ ეზოში 32 წლის წარსულში ნასამართლევმა გ.ფ.-მ გადაჭრილი სანადირო თოფით მოკლა საკუთარი ძმა, 25 წლის დ.ფ.-ს რის შემდეგაც დანაშაულის ადგილიდან მიიმალა.

სამართალდამცველებმა ბრალდებული ცხელ კვალზე იქვე სოფელ მარტოთუბანში დააკავეს.

გამოძიება საქართველოს სისხლის სამართლის კოდექსის 11-პრიმა-109-ე მუხლის მე-2 ნაწილის “ვ“ ქვეპუნქტით მიმდინარეობს, რაც 13-დან 17 წლამდე ვადით თავისუფლების აღკვეთას ითვალისწინებს.