"ბარსელონას" ნახევარმცველმა დენის სუარესმა ახალი სეზონის ახალ მეგობარ გოგონასთან ერთად დაიწყო.

24 წლის ესპანელი ფეხბურთელის რჩეული მოდელი ნადია ავილესია.

წყვილი ოქტომბერში ლონდონს ესტუმრა და მას შემდეგ ინგლისურმა გამოცემებმა დაიწყეს წერა, რომ სუარესი ლონდონურ კლუბებთან მოლაპარაკებას აწარმოებდა, კონკრეტულად კი საუბარი "ჩელსისა" და "არსენალზე" იყო.

სუარესმა ვერა და ვერ დაიმკვიდრა "ბარსელონას" ძირითადში ადგილი და მას შემდეგ მის ინგლისში გადაბარგებაზე ჭორები არ წყდება.

ნადია და სუარესი უკვე 6 თვეა ერთად არიან. 21 წლის მოდელი ბარსელონაში დაიბადა და გაიზარდა. ინგლისური ტაბლიდები ასევე ირწმუნებიან, რომ სუარესი ლამაზმანის ცხოვრებაში პირველი ფეხბურთელი არაა და ადრე ის ზინედინ ზიდანის შვილს ენცოს ხვდებოდა.

▪ იხილეთ ფოტოგალერეა