ქაოსი ისეთივე აბსტრაქტულია და იდუმალი, როგორც კოსმოსი, მაგრამ ისინიც განსხვავდებიან ერთმანეთისგან. ქაოსს დასასრული აქვს, ხოლო კოსმოსი უსასრულოა. ქაოსი ბრბოა, რომელსაც არანაირი მართლმსაჯულება არ გააჩნია. ქაოსი, რომელიც მთელ დედამიწაზე არსებულ ჭუჭყს მოიცავს, ქაოსი, რომელიც ნაცრისფერი კედლებითაა შემოფარგლული. ქაოსი, რომელიც კოსმოსში არსებულ მოციმციმე ვარსკვლავებს ისრუტავს შავი ხვრელივით და ცდილობს, რომ ნელ-ნელა თავის ფარგლებს გასცდეს და გაფართოვდეს სიბოროტით. თუმცა ქაოსი მუდმივი არ არის ადრე თუ გვიან მასში არსებული მკვდარი ვარსკვლავები კვლავ აღდგებიან და დაბრუნდებიან კოსმოსში.
