x
მეტი
  • 28.03.2024
  • სტატია:134037
  • ვიდეო:353919
  • სურათი:508247
მინერალები, რომელიც აძლიერებს ჩვენს ჯანმრთელობას და იმუნიტეტს. რომელი საკვები უნდა მივიღოთ ამისთვის?

image

მინერალებს სხვადასხვა სახის სარგებლობა მოაქვს ჯანმრთელობისთვის, მაშასადამე, ვერც ერთ მინერალზე ვიტყვით, რომ უფრო სასარგებლოა, ვიდრე მეორე. თითოეულ მათგანს გადამწყვეტი მნიშვნელობა აქვს ორგანიზმის სწორი ფუნქციონირებისთვის.

მინერალების უმეტესობა დიდ როლს თამაშობს მეტაბოლიზმის პროცესში, წყლის ბალანსის დროს, ძვლოვანი სისტემის გაძლიერებაში, ამასთან, ასობით სხვადასხვა გზით შეუძლია ეფექტურად გააუმჯობესოს ორგანიზმის ჯანმრთელობის მდგომარეობა.

სტატიაში წარმოგიდგენთ მინერალების ჩამონათვალს და მათთან ასოცირებულ სარგებლობას ჯანმრთელობისთვის. ყურადღებით გაეცანით, შეისწავლეთ და მიიღეთ თქვენი ორგანიზმისთვის მაქსიმალური სარგებელი.


image


ბორი: ეს მინერალი უმნიშვნელოვანეს როლს თამაშობს ძვლოვანი სისტემის ჯანმრთელობის პროცესში, ტვინის ნორმალურ ფუნქციონირებისთვის, აფერხებს სიბერის პროცესს, ხელს უშლის სიმსივნის განვითარებას, ეხმარება ალცჰეიმერის დაავადების განკურნებას და ამცირებს კუნთების ტკივილს.

ბორის წყარო: ისეთი ხილი, როგორიცაა: ვაშლი, ფორთოხალი, წითელი ყურძენი, მსხალი, ქლიავი, ფინიკი; ასევე, ავოკადო, სოია, თურქული ბარდა, თხილი, წითელი ლობიო, ოსპი, ზეთისხილი, მოცხარი, პომიდორი, კარტოფილი, ღვინო და ლუდი.

კალციუმი: ეს უმნიშვნელოვანესი მინერალი აუმჯობესებს ძვლოვანი სისტემის სიმკვრივეს (ხელს უშლის ოსტეოპოროზის განვითარებას), ამსუბუქებს ართრიტს, ხელს უწყობს კბილების სიჯანსაღეს, პოზიტიურ როლს თამაშობს უძილობის, კრუნჩხვების, მენოპაუზისა და პრემენსტრუალური სინდრომის დროს. ამასთან, ხელს უშლის სიმსუქნის, მსხვილი ნაწლავის კიბოს, გულის დაავადებების, მჟავიანობის და მაღალი არტერიული წნევის განვითარებას.

კალციუმის წყარო: რძის პროდუქტები, როგორიცაა ყველი, ხაჭო, იოგურტი; ასევე, დიდ რაოდენობით შედის თხილილეულში, დაკონსერვებულ ორაგულსა და ცერცვში. პოპულარული იდეაა, თითქოს რძე ყველაზე დიდი რაოდენობით შეიცავს ამ მინერალს, თუმცა, ეს ასე არ არის. სინამდვილეში ბროკოლის შეუძლია ყველაზე სწრაფად გაზარდოს კალციუმის დონე თქვენი კვების რაციონში. ამ მინერალის მდიდარი წყაროა ისპანახი, ფორთოხლის წვენი, სოია, ნუში, ბარდა, რიკოტა.



image



ქრომი: აღნიშნული მინერალი მნიშვნელოვანია გლუკოზის ათვისებისას, ასე რომ, განსაკუთრებით აქტუალურია მათთვის, ვისაც დიაბეტი აქვს. ქრომი აუცილებელია სისხლში შაქრის ნორმალური დონის შენარჩუნებისათვის.

ქრომის წყარო: თხილი, ფინიკი, მზესუმზირა, ხორბლის მარცვლები, წიწიბურა, სიმინდი, თხის რძე, კვერცხი, შამპინიონები, ქათმის ხორცი, საქონლის ღვიძლი, ხახვი, კარტოფილი, ბარდა, ლობიო.



რკინა: საკვანძო როლს თამაშობს ჰემოგლობინის ფორმირების, მეტაბოლიზმის, კუნთების აქტივობის, იმუნიტეტის გაძლიერების და ტვინის ნორმალურად მუშაობის პროცესში, ამასთან, უძილობის, მოუსვენარი ფეხების სინდრომის და სხეული ტემპერატურის რეგულირებისას. ამ მინერალის უმთავრესი როლი ჰემოგლობინის ფორმირებაა, რომელიც უზრუნველყოფს სისხლის ნორმალურ მიმოქცევას და სხვადასხვა ორგანოებისთვის ჟანგბადის მიწოდებას. რკინის ნაკლებობისას ანემია ვითარდება, რომლის მახასიათებელი ნიშნებია კუნთების სისუსტე, დაღლილობა, კუჭ-ნაწლავის დისფუნქცია, კოგნიტური დარღვევები.

რკინის წყარო: ვეგეტარიანული და არავეგეტარიანული საკვები. პარკოსნები, ოსპი, სოიო, მწვანე ფოთლოვანი ბოსტნეული, მარცვლეული, ისპანახი, თალგამი, ბრიუსელის კომბოსტო, ბროკოლი, ჩირი, საქონლის ღვიძლი განსაკუთრებით მდიდარია რკინით.



image

კრემნიუმი: მინერალი მნიშვნელოვან როლს თამაშობს ძვლოვანი სისტემის, კანის, კბილების, თმისა და ფრჩხილების ჯანმრთელობის პროცესში, ებრძვის ათეროსკლეროზს, ტუბერკულიოზს და უძილობასთან დაკავშირებულ პრობლემებს.

კრემიუმის წყარო: ვაშლი, მარცვლეული, კომბოსტო, არაქისი, სტაფილო, ხახვი, კიტრი, გოგრა, თევზი, შვრია, ნუში და ფორთოხალი.


ნატრიუმი: ეს ცნობილი მინერალი საკვანძო როლს თამაშობს წყლის ბალანსის დროს, იცავს მზის დარტყმისგან, აუმჯობესებს ტვინის მუშაობას, ამსუბუქებს კუნთების კრუნჩხვებს, ხელს უშლის ნაადრევი სიბერის პროცესს.

ნატრიუმის წყარო: ვაშლი, მარილი, კომბოსტო, კვერცხის გული, პიტნა და ბანანი. ასევე სტაფილო, საცხობი ფხვნილი და საცხობი სოდა, თალგამი, ფოთლოვანი ბოსტნეული და ხმელი ბარდა კარგი საბადოა.


მაგნიუმი: მაღალი არტერიული წნევა, გულის შეტევა, ალკოჰოლიზმი, ძვლოვანი სისტემის ჯანმრთელობა, კრუნჩხვები, დიაბეტი, მენოპაუზა, ფეხმძიმობა, ასთმა – აღნიშნული მინერალი პოზიტიურად მოქმედებს. ამასთან, მნიშვნელოვან როლს თამაშობს უძილობასთან და სტრესთან გამკლავების პროცესში.

მაგნიუმის წყარო: ლობიო, კაკალი, სეზამის მარცვლები, ავოკადო, თხილი, თესლები, მწვანეფოთლოვანი ბოსტნეული, პარკოსნები, ტკბილი კარტოფილი, გოგრის თესლი.




image

იოდი: განსაკუთრებით მნიშვნელოვანია ფარისებრი ჯირკვალთან დაკავშირებული პრობლემების მოსაგვარებლად, გარდა იმისა, რომ ამცირებს სარძევე ჯირკვლების ფიბროზულ-კისტოზური დაავადებების განვითარების რისკებს, აუმჯობესებს კანის, თმის მდგომარეობას და ასევე ორგანიზმში ნივთიერებათა ცვლას. მნიშვნელოვანი მინერალია ფეხმძიმობის დროს.

იოდის წყარო: ზღვის პროდუქტები, დაკონსერვებული სარდინი და თინუსი, ასთაკვები, ომარები და კიბოსნაირთა ოჯახის სხვა წარმომადგენლები, ხამანწკები. ამ მინერალის მდიდარი წყაროა ხილი და კენკროვნები (ბანანი, ფორთოხალი, ლიმონი, ნესვი, ანანასი, ხურმა).


ფოსფორი: მინერალი არსებითად მნიშვნელოვანია კუნთების სისუსტის შემცირებაში, აუმჯობესებს ძვლოვანი სისტემის და კბილების ჯანმრთელობას, ზრდის ტვინის შრომისუნარიანობას, აწესრიგებს სექსუალურ დისფუნქციას და ხელს უწყობს ნივთიერებათა ცვლის ოპტიმიზაციას.
ფოსფორის წყარო: დიდი რაოდენობით შეიცავს ისეთი პროდუქტები, როგორიცაა ხორცი, თხილეული, პარკოსნები და რძის პროდუქტები. ასევე ფოსფორი დიდი რაოდენობით შედის შემდეგი საკვების შემადგენლობაში: მზესუმზირა, ბრინჯი, კარტოფილი, ბროკოლი, ბარდა, არაქისის კარაქი, თინუსი.

image
მანგანუმი: მნიშვნელოვან როლს თამაშობს მეტაბოლიზმის და რეპროდუქციის პროცესში, ეპილეფსიისა და მყესების დაჭიმულობის დროს, აუმჯობესებს ტვინის ფუნქციას, ებრძვის ოსტეოპოროზს, ამცირებს დაღლილობას.

მანგანუმის წყარო: ჟოლო, ანანასი, ნიორი, ყურძენი, ჭარხალი, მწვანე ლობიო, ბრინჯი, პიტნა, შვრია, თხილი, წიწმატი, მარწყვის, მაყვალი, ტროპიკული ხილი, სალათის ფოთოლი, ისპანახი, ბანანი, კიტრი, კივი, ლეღვი და სტაფილო. მანგანუმის უმდიდრესი საბადოა მწვანე ფოთლოვანი ბოსტნეული, ნუში, თხილი, ყავისფერი ბრინჯი, ქოქოსი.



image


სპილენძი: მინერალი აუმჯობესებს ტვინის ფუნქციას, ამსუბუქებს ართრიტს, ხელს უწყობს კანის ჯანმრთელობას, სპობს ყელის ინფექციებს, პოზიტიურად მოქმედებს ჰემოგლობინის დეფიციტის დროს, ხელს უშლის გულის დაავადებების განვითარებას, აძლიერსბს იმუნიტეტს. ძირითადად ასოცირდება რკინის სინთეზთან და ამასთან, ეხმარება სისიხლის მიმოქცევის სისტემის ნორმალურ მუშაობას.

სპილენძის წყარო: გვხვდება სხვადასხვა სახის საკვებში, როგორიცაა ხორცი, ღვიძლი, ზღვის პროდუქტები, ლობიო, ნუში, ავოკადო, ნიორი, ჭარხალი, ოსპი, ქერი. ხამანწკები სპილენძის უმდიდრესი წყაროა.


კალიუმი: შეუძლია ასწიოს დაბალი შაქრის დონე სისხლში, დაარეგულიროს არტერიული წნევა, ხელი შეუშალოს გულის დაავადებების, კუნთებთან დაკავშირებული პრობლემებისა და კრუნჩხვების განვითარებას, ზრდის ტვინის შრომისუნარიანობას, აწესრიგებს თირკმელების მდგომარეობას და ეხმარება ართრიტის და დიაბეტის დროს. როგორც სისხლძარღვების გამაფართოვებელი, ორგანიზმის უმნიშვნელოვანეს ორგანოებს ჟანგბადის მიწოდებით უზრუნველყოფს და ამასთან, იცავს კარდიოვასკულარული დაავადებებისგან.

კალიუმის წყარო: ყველაზე მეტ კალიუმს შეიცავს კარტოფილი, გოგრა, კომბოსტო, გარგარი, შავი ქლიავი, ჩირი (გარგარის, ქლიავის ჩირი, ქიშმიში), ლეღვი, ასკილი და ოხრახუში. მარცვლოვნები.



image

სელენი: შესაძლოა იშვიათი მინერალია, მაგრამ მისი ფუნქცია მნიშვნელოვანია. ის ერთ-ერთი ყველაზე ძლიერი მინერალი ანტიოქსიდანტია, ხელს უშლის უჯრედებისა და ქსოვილების ჟანგვას და ამით მათ სერიოზული დაავადებებისგან იცავს, ასევე ეწინააღმდეგება თავისუფალი რადიკალების ფორმირებას, თუმცა, ის ასევე მნიშვნელოვანია ძვლის ზრდის პროცესისთვის კალციუმთან, სპილენძთან და თუთიასთან ერთად. აქვეითებს შაქრიანი დიაბეტის ჩამოყალიბების, გულ-სისხლძარღვთა და საჭმლის მომნელებელი სისტემების ფუნქციის დარღვევის რისკს.

სელენის წყარო: აღნიშნულ მინერალს შეიცავს კვერცხი, თევზი, სოკო, ხორცი, სიმინდი, ბრინჯი, წიწიბურა. მნიშვნელოვანი რაოდენობითაა აღმოჩენილი ისეთ პროდუქტებში, როგორიცაა ცხოველის თირკმლები, კრაბი, თინუსი. ბრაზილიური კაკალი კი სელენის უმდიდრესი წყაროა.


თუთია: აღნიშნული მინერალი დიდ როლს თამაშობს კანთან დაკავშირებული პრობლემების მოგვარების დროს, როგორიცაა ეგზემა, აკნე, ჭრილობების შეხორცება. მნიშვნელოვანია ასევე პროსტატის, გაციების, ფეხმძიმობის, რეპროდუქციის, მადის დაქვეითების, თვალებზე მკურნალობის, ღამის სიბრმავის დროს. თუთიის გარეშე ორგანიზმი დაკარგავს ძირითად ფუნქციებს, რის შედეგადაც ჯანმრთელობასთან დაკავშირებული უამრავი პრობლემა გაჩნდება. მისი დეფიციტი იწვევს კანის სიმშრალეს და ინფექციებს, ქერტლს, ღვიძლისა და ფარისებრი ჯირკვლის მუშაობის დარღვევას, ძვლის ზრდის შენელებას, დაღლილობას, თმის ცვენას.

თუთიის წყარო: მზესუმზირა, გოგრის თესლი, ყველი, ზღვის პროდუქტები, ჯანჯაფილი, კვერცხი, ხილი.


image


ასევე დაგაინტერესებთ:


მარტივად მოსამზადებელი ეფექტური საშუალება, რომელიც ვირუსებისგან დაგიცავთ და იმუნიტეტს გაგიძლიერებთ


რატომ უნდა მიირთვათ ბროწეული კურკასთან ერთად. ეს ყველა ქალმა უნდა იცოდეს!


9 მიზეზი, თუ რატომ არის მოცვი უმნიშვნელოვანესი ჩვენი ჯანმრთელობისთვის. აუცილებლად გაითვალისწინეთ!


თუ ამ 9 ელემენტიდან რომელიმეს ნაკლებობას განიცდით, შესაძლოა ფსიქიკური პრობლემების წინაშე აღმოჩნდეთ


თუ ლუდი გიყვართ, აუცილებლად წაიკითხეთ ეს სტატია!


15 საუკეთესო პროდუქტი არტერიების გასაწმენდად და მიოკარდიუმის ინფარქტის პროფილაქტიკისთვის


მკურნალობის ამ მეთოდით დაივიწყებთ რა არის კისტა და მიომა

1
713
11-ს მოსწონს
ავტორი:Lerato
Lerato
713
  
2019, 14 იანვარი, 16:38
როგორც ყოველთვის საინტერესოა. ამიტომაც მიყვარს კივი, მიწის თხილი და შოკოლადი. :)
0 1 1