რუსულ ტელეარხზე "Россия 1", ანდრეი მალახოვის საავტორო გადაცემაში ხმაური გამოიწვია შემთხვევამ, რაც პეტერბურგში მოხდა-73 წლის გალინა ყოფილ სიძეს 51 წლის ვიაჩესლავ ჟუკოვკიხს გაჰყვა ცოლად და ახლა სუროგატი დედისაგან, რომელიც ოთხი თვის ორსულია შვილს ელოდებიან.
ელენა-გალინას ქალიშვილი თვლის, რომ დედამისის ადგილი ფსიქიატრიულ კლინიკაშია. იგივე აზრზე არიან გალინას სხვა ნათესავებიც.
თავად გალინას თქმით მას შვილისთვის ქმარი არ წაურთმევია, ის ვიაჩესლავს ცოლად გაჰყვა ელენასთან გაშორების მერე.
"როცა განქორწინების მერე ელენამ ყოფილი ქმარი ბინიდან გააძევა, მალე ახალი მამაკაცი გაიჩინა. მე კი ყოფილი სიძე შემეცოდა და ბინაში დავაბრუნე, შემდეგ კი აღმოვაჩინე, რომ ვიაჩესლავი ძალზე ხელოვანი ადამიანია: ბრწყინვალედ მღერის, წერს ლექსებს და უკრავს რამდენიმე ინსტრუმენტზე. სწორედ ამან გადაწყვიტა ჩვენი ერთობა და მე ცოლად გავყევი ვიაჩესლავს"-განაცხადა პირდაპირ ეთერში რუსულ ტელეარხზე გალინამ.
წყვილის თქმით ისინი თავს შესანიშნავად გრძნობენ ერთად და მოუთმენლად ელიან სუროგატი დედისაგან ბავშვის გაჩენას.
როგორც მალახოვის საავტორო გადაცემაში გაირკვა, პრობლემა ის კი არაა, რომ ელენას ყოფილი ქმარი გახდება ელენას ძმის ან დის ქმარი, არამედ პრობლემა გახდა ბინის გაყოფა და ის, რომ პატარა ბავშვი გახდება გალინას კიდევ ერთი მემკვიდრე ბინის გაყოფისას.
გარდა ამისა პრობლემაა აგრეთვე სუროგატი დედისათვის ფულის გადახდა, კონტრაქტით გალინამ და ვიაჩესლავმა სუროგატ დედას ბავშვის გაჩენისთანავე უნდა გადაუხადონ ერთი მილიონი რუბლი, ეს თანხა კი არც ცოლს და არც ქმარს არ გააჩნია და დგება ბინის გაყიდვის საშიშროება, რაც წყვილთან ერთად ელენასაც დააკარგვინებს ბინას.
ასევე ცნობილი გახდა ისიც, რომ ელენა ეკლესიაში სანთლებს ანთებს და უფალს სთხოვს მიიბაროს დედამისის სული.
"როგორ შეიძლება 73 წლის მოხუც ქალს ჰქონდეს ჯანსაღი კვერცხუჯრედი, რომელიც გამოიყენეს სუროგატი დედის დასაფეხმძიმებლად"-აცხადებენ ელენა და მისი გოგონა!