სხვა
რომაელებსაც უყვარდათ კედლებზე „მზე“-ს და „აქ ვიყავით მე და გურამაი“-ს სტილის წარწერების გაკეთება
2018, 21 დეკემბერი, 14:00
პომპეის კედლებზე დიდი რაოდენობით წარწერები შემორჩა. ადამიანები არ იცვლებიან, შესაბამისად რომაელებსაც უყვარდათ კედლებზე „მზე“-ს და „აქ ვიყავით მე და გურამაი“-ს სტილის წარწერების გაკეთება. გთავაზობთ რამდენიმე მათგანს:
ბორდელის კედელზე: იტირეთ გოგოებო! ჩემმა ასომ თქვენზე უარი თქვა. მშვიდობით მშვენიერო ქალურობავ!
ტავერნის კედელზე: რესტიტუტოს გაიხადე ტუნიკა და გვანახე შენი ბანჯგვლიანი „საოხრე“!
კითარისტის სახლის კედელზე: ამპლიკატოს, ვიცი რომ იკაროსი გხმარობს! სალვიუსმა დავწერე.
კუსპიუს პანსას სახლის კედელზე: ნერონის ფინანსური მოხელე ამბობს: ამ სახლში საკვები ნამდვილი საწამლავია.
მენანდროსის სახლის ვესტიბიულში: ნუცერიაში ყოფნის დროს ნოველიუს პრიმიგენიუსი მოძებნე, რომაულ კარიბჭესთან, მეძავების კვარტალში.
გლადიატორების საცხოვრებელზე: ანტიოქოსი და მისი ძუკნა, ციტერა აქ ერთობოდნენ.
მორალისტის სახლის კედელზე: დაე შენს თვალებში მოკრძალება ჩანდეს. ნუ შეხედავ გარყვნილი მზერით სხვის ცოლს.
იქვე: გადადე შურისძიება, ან წადი და თან წაიღე.
ქუჩის კედელზე: თეოფილე, შეეში ქალაქის გალავანთან გოგონების ლოკვას.
ცესილიუს იუკუნდას სახლის კედელზე: ვისაც უყვარს - აყვავილდეს. ვისაც არ უყვარს - დაიღუპოს. დაე დაიღუპოს ორჯერ, ვინც სიყვარულს კრძალავს.
ვეზუვის კარიბჭესთან: მარკუსს უყვარს სპენდუსა.
მერკურის ქუჩაზე: პუბლიუს რესტიტუსი აქ იდგა თავის ძმასთან ერთად.
+14
