ნორვეგიელმა ფოტოგრაფმა საკუთარი ოცნება შემთხვევით აისრულა. მან მოახერხა ჩრდილოეთის პატარა, მორცხვი ნუკრისთვის ფოტოს გადაღება. ის ამ მომენტით ძალიან ბედნიერი იყო და საკუთარი ემოციები Lad Bible-ს გაუზიარა.

მედს ნორდსვინი ნორვეგიელი ფოტოგრაფია, წარმოშობით დედაქალაქ ოსლოდანაა. ის მოგზაურობდა ველურ ბუნებაში, სადაც ახალი კადრების დაფიქსირებას ცდილობდა, როდესაც მან მოულოდნელად ჩრდილოეთური ირმის ნუკრი შეამჩინა.

24 წლის ფოტოგრაფი: - "ვმოგზაურობდით მეგობრებთან ერთად ველურ ბუნებაში, სრულად გათეთრებულ მთებში, სადაც ეს საოცარი, მორცხვი ნუკრი შევნიშნე... უკვე წლებია ასეთი რამ არ მინახავს, ეს ჩემს უდიდეს ოცნებას წარმოადგენდა ფოტოგრაფიის კარიერაში".

"იმდენად მომიახლოვდა, რომ ერთმანეთს თვალებში ჩავხედეთ... რა უნდოდა მას, მე ამას ვერ ვხვდებოდი".

"ძალიან მარტივად მომიშინაურდა, მიხვდა, რომ მე მისთვის ზიანის მიყენებას არ ვაპირებდი, კამერასთან თითქმის პოზირებდა".

"ეს თავგადასავალი ჩემთვის ძალიან საინტერესო იყო, უფრო აღმოჩენას ჰგავდა".

მიუხედავად იმისა, რომ ჩრდილოეთის ირემს და მის ბიჟინას ქათქათა თეთრი ფერის ბეწვი აქვს, ისინი ალბინოსები არ არიან. სინამდვილეში უიშვიათესი გენეტიკური მუტაცია მათი კანის ფერის პიგმენტებს ანადგურებს, რის შედეგადაც ასეთი საოცარი სანახაობის მნახველები ვხდებით.

რამოდენიმე წლის წინ, შვედეთში ადგილობრივმა ფოტოგრაფმა შემთხვევით შენიშნა ასევე უმშვენიერესი ჩრდილოეთის ირემი. ფოტოგრაფმა დრო იხელთა და რამოდენიმე ფოტო გადაუღო ამ ულამაზეს არსებას.

როგორც თავად ფოტოგრაფი ამბობს, ის ერთ-ერთი ყველაზე იშვიათი ცხოველია დედამიწაზე, რომელსაც გადაშენების საფრთხე ემუქრება.

შვედი ფოტოგრაფის შემდეგ, რამოდენიმე წელი გავიდა და ამჯერად როგორც ხედავთ, ნორვეგიელმა ფოტოგრაფმა შენიშნა ჩრდილოეთური ირემი თავის ნუკრთან ერთად. მოგახსენებთ, რომ ბოლო 20 წლის მანძილზე, ჩრდილოეთის ირმის დაფიქსირების ეს მხოლოდ მესამე შემთხვევაა.