95 წლის ინდოეთის მცხოვრები ბუდ რამი, მოულოდნელად ცუდად გახდა და გონება დაკარგა. მოხუცი საწოლზე დააწვიეს და სასწრაფოდ მოიყვანეს ექიმი, რომელმაც ბუდ რამის სიკვდილი დააფიქსირა. ოჯახს რაღა დარჩენოდა და ქელეხის ორგანიზებას მიჰყო ხელი. როცა ქელეხისათვის საჭირო ყველა საქმე მოაგვარეს მათი ტრადიციისამებრ მოიყვანეს სასულიერო პირი, რომელსაც მიცვალებული უნდა განებანა დასაფლავების წინ, როგორც ამას ტრადიცია ითხოვდა.
მოხუცს სასულიერო პირმა დამხმარესთან ერთად გახადა ტანსაცმელი და განბანვის ცერემონიალს შეუდგა. ის იყო 95 წლის ექიმის დასკვნით გარდაცვლილ მოხუცს მკერდზე რამდენიმე წვეთი წყალი დაესხა და მოხუცი შეირხა, მერე კი სუნთქვა დაიწყო და წამოჯდა.
წარმოსადგენადაც კი ძნელია, რაც მოხდებოდა გაცოცხლებული მიცვალებულის დანახვაზე, ვინც საით მოახერხა იქით გაიქცა.
მხოლოდ სასულიერო პირი დარჩა ადგილზე, რომელმაც გაქცეულებს დაბრუნება სთხოვა: "ცოცხალია ადამიანი და მობრუნდით ნუ გეშინიათო"!
მობრუნებულ და შოკირებულ ოჯახის წევრებს, ნათესავებს და მეზობლებს მოხუცმა ჰკითხა: "რატომ მოაწყვეთ სამგლოვიარო პროცესია, მკერდში ტკივილი ვიგრძენი და ამიტომ ჩავთვლიმე თქვენ, რომ არ შემეწუხებინეთო"!