ბრიტანული ჟურნალის EasyJet Traveller-ის ექსპერტებმა ჩაატარეს კვლევა და გამოავლინეს მსოფლიოს საუკეთესო საზოგადოებრივი ტუალეტი, სასტუმრო და საცურაო აუზი. ამასთანავე, გამოაქვეყნეს ყველაზე საინტერესო და ალტერნატიული ტურისტული ადგილები, რომლის მონახულებაც ღირს.

ნომინაციაში "მსოფლიოს საუკეთესო ტუალეტი" გაიმარჯვა საპირფარეშომ ქალაქ ვალეტადან(მალტა). აქ შესულ სტუმრებს ხვდებიან სპეციალური ფორმით - ბაფთით და ჟილეტით, თვითონ ტუალეტი გაფორმებულია ღამის კლუბის სტილში, შესასვლელში შეგხვდებათ წარწერა: "მე მიყვარს ტრეისი ემინი(ცნობილი ბრიტანელი მხატვარი), კაბინაში შესვლისას უკრავს მუსიკა(ხმადაბლა თუ ხმამაღლა, უცნობია). ვიზიტი ტუალეტში 0.30 ევროცენტი ღირს.

რაც შეეხება საუკეთესო სასტუმროს, "ინსტრაგრამზე" მოწონებების რაოდენობის მიხედვით, გაიმარჯვა სასტუმრო Paradiso in San Antonio-მ, რომელიც იბიცაში მდებაროებს. მთლიანად ვარდისფერ-მეწამულ ფერებში გადაწყვეტილი სასტუმრო განსაკუთრებით დიდი პოპულარობით სარგებლობს.

კატეგორიაში - საუკეთესო საცურაო აუზი პანორამული ხედით, გაიმარჯვა Hotel Miramonti-ს აუზმა, რომელიც იტალიაში მდებარეობს.