ხორავას ქუჩაზე მოკლული არასრულწლოვანის მამა ზაზა სარალიძე ამბობს, რომ პირველად აპირებს მეორე ტურში საკუთარი ხმის უფლებით ისარგებლოს. როგორც სარალიძემ რუსთავი 2-ის ეთერში ჩართვისას განაცხადა, მანამდე ის არჩევნებზე ყოველთვის ხმას ყველას წინააღმდეგ აძლევდა და ბიულეტენს აუქმებდა. ახლა კი სარალიძე გეგმავს ხმა ერთერთ კანდიდატს მისცეს.

„ყოველთვის მივდიოდი ხოლმე არჩევნებზე და ბიულეტენს ვაუქმებდი, მაგრამ ახლა პირველად გადავდგამ ამ ნაბიჯს. მე არ ვიტყვი, რომ ან იმას მივცეთ ხმა, ან ამას, მაგრამ გეტყვით, რომ სწორი არჩევანი გავაკეთოთ“ - აცხადებს ზაზა სარალიძე.

შეგახსენებთ, რამდენიმე კვირის წინ სარალიძე, ნაციონალური მოძრაობის წინასაარჩევნო შეხვედრაზე ფილარმონიაში გამოჩნდა, სცენაზე ავიდა და პარტიის მხარდამჭერებს სიტყვით მიმართა.