მადლობა ღმერთს, საქართველოს ტერიტორიაზე რუსული ჯარი არაა წარმოდგენილი - გიორგი ვაშაძე
გრიგოლ ვაშაძის და "გაერთიანებული ოპოზიციის" საპრეზიდენტო კამპანიის ხელმძღვანელი გიორგი ვაშაძე, როგორც ჩანს საქართველოს ოკუპაციას და რუსული ჯარიდან მომდინარე საფრთხესაც ვერ ხედავს. მის განცხადებას თუ მოვუსმენთ, ირკვევა, რომ რუსეთს საქართველოს ტერიტორიის ოკუპაცია არ მოუხდენია და უკრაინისგან განსხვავებით საქართველოს ტერიტორიაზე რუსული ჯარი საერთოდ არაა წარმოდგენილი. პოლიტიკოსის აზრით საქართველოში არც რუსული ჯარიდან მომდინარე საფრთხე არსებობს. ყველაფერთან ერთად ვაშაძე ამ ყველაფრისთვის ღმერთს მადლობას უხდის.
აი ვაშაძის განცხადებაც :
" საფრთხეს რა თქმა უნდა ქმნის რუსული ჯარები, რომლებიც განლაგებული არის უკრაინის ტერიტორიაზე. ეს ძალიან დიდი საფრთხეა.
და მადლობა ღმერთს, რომ ჩვენ (საქართველო) მაგალითად ამ საფრთხისგან თავისუფალი ვართ და სწორედ ერთ-ერთი მნიშვნელოვანი მიღწევა, რაც საქართველოს აქვს გასული 10 წლის მანძილზე, არის ის, რომ საქართველოში რუსული ჯარი აღარ არის წარმოდგენილი"
გიორგი ვაშაძემ ეს განცხადება გადაცემა "არჩევანში" - 2014 წლის 25 თებერვალს გააკეთა.