შემოდგომა-ზამთრის სეზონზე რამდენიმე სილამაზის კონკურსი ერთმანეთის მიყოლებით ტარდება. თუ "მის მსოფლიოს" ტიტულისთვის ნია წივწივაძე იბრძვის, "მის სამყაროზე" "ვიცე-მის საქართველო 2018", ლარა იანი მიემგზავრება.

ლარას შესახებ საზოგადოებამ ბევრი რამ არ იცის. 25 წლის მოდელის შესახებ მნიშვნელოვან ფაქტებს გაგაცნობთ.
გოგონა ნახევრად ქართული და ნახევრად სომხური წარმოშობისაა.
ლარა 10-მდე სილამაზის კონკურსის ტიტულის მფლობელია და 16 წლიდან სამოდელო ბიზნესშია ჩართული. ის თელავში გაიზარდა, შემდეგ საცხოვრებლად რუსეთში გადავიდა და ბოლო 4 წელია საქართველოში ცხოვრობს.

2014 წელს, საქართველოში "ელიტ მოდელ ლუქის" კონკურსზე მიიღო მონაწილეობა.



მისი მეორე პროფესია სიმღერაა. გოგონა ბარებში მღერის და პარალელურად ვიზაჟისტად მუშაობს.

29 ნოემბერს ლარა ტაილანდში, "მის სამყარო 2018"- ის კონკურსზე მიფრინავს. ამჟამად კი მოსამზადებელ პერიოდს გადის. იკერავს კოსტიუმებს და აქტიურად ვარჯიშობს.

"მის სამყარო" 17 დეკემბერს ჩატარდება, სადაც 88 ქვეყნის წარმომადგენელი მიიღებს მონაწილეობას.

ლარა იანის პარამეტრებია 180 სმ სიმაღლე, 90-60-90 .

იმედი გვაქვს, ეგზოტიკური გარეგნობის გოგონა, რომელსაც "ინსტაგრამის" მომხმარებლები კეტრინ ზეტა ჯონსს ამსგავსებენ, საერთაშორისო
ჟიურის ყურადღების მიღმა არ დარჩება.