ერთი მსმელი კაცის საინტერესო ისტორია. "სამეგრელოში იყო ერთი დიდებული, რომელიც ისე გამოჩენილი იყო სმაში, რომ მისი სახელი მთელ ირანშიც გავრცელდა. მისი ქებით თვით ირანის ხელმწიფის, შაჰ სეფის, ყურამდე მივიდა. ამ ხელმწიფემ კაცი გაუგზავნა დადიანს და შემოუთვალა, რომ გავიგე შენს სამთავროში ასეთი გამოჩენილი მსმელი გყოლია და გთხოვ გამომიგზავნოო. დადიანმა დაუყოვნებლივ გაატანაიგი სპარსეთის შაჰს ახალგაზრდა საცოლეს, რომელიც იყო ათაბაგის სახლის შვილი და ის-ის იყო, მიემგზავრებოდა ირანში. შაჰი ერთიორად მოხარული იყო რადგან მოუვიდა ახალგაზრდა ცოლოც და შესანიშნავი მსმელიც. ქორწილის გამო მრავალი წვეულება იყო, სადაც მუდამ პატიჟებდნენ შედან ჭილაძეს. ეს იყო მსმელის სახელი და გვარი. ამან იქც ისახელა თავი და ყველას აჯობა სმაში. ამის გამო მუდამ ჯილდოს იღებდა.: ხან ნაჭედ ოქროთი მოწყობილ უნაგირს, ხან სიასამურის ტყავისხელთათმანიან მდიდრულ კაბას, ხან ძვირფასი ქვებითა და უქროთი შემკულ ქვებს, რომელსაც უხვი შაჰი აძლევდა. ბოლოს თვით შაჰმა მოინდომა მასთან სმაში შებმა და იქამდე სვა სანამ არ დასნეულდა და სული არ განუტევა. ჭილაძე კი საჩუქრებით გამდიდრებული სამშობლოში დაბრუნდა.