ქალი და მამაკაცი 100 კილოგრამიანმა ქალმა პოლონელ ბიზნესმენს 120 000 $ გამოსძალა გაცნობის საიტიდან 2018, 1 ნოემბერი, 13:28
ანასტასია ტიურტიმოვას ორი წელი მოუწვეს ციხეში ყურყუტი თაღლითობისთვის.
ანასტასია, რომლის წონაც 100 კილოგრამია, გაცნობის საიტზე თავს აი, ამ გოგოდ ასაღებდა - სახელად, კატია. მოგწონთ? ასე მოეწონა გაცნობის საიტზე 51 წლის პოლონელ კომერსანტს ადამ პლოსკის "კატია" და იმდენად შეუყვარდა, რომ გადაწყვიტა მისი ცოლად მოყვანა. ანასტასია ტიურტუმოვამ კი გადაწყვიტა, რაც შეიძლება ბევრი ფული დაეცინცლა მიამიტი კომერსანტისთვის. მუმივად ფულის გამოგზავნას ითხოვდა, ხან, ვითომ დედის ოპერაციისთვის, ხან, საკუთარი ტრავმების მოსაშუშებლად ვითომ და მძიმე ავტოავარიის შემდეგ, ამასთანავე, პოლონელ ბიზნესმენს შეჰპირდა რუსეთში ნავთობის ბიზნესის წამოწყებას, გამოაგზავნინა ფული "საქმის ჩასაწყობად". კატია-ადამის რომანი ორი წელიწადი გაგრძელდა. ამ დროის განმავლობაში თაღლითმა პოლონელ ბინზესმენს 8 მილიონი რუბლი დასცინცლა(დაახლოებით 120 000 აშშ$). ამ ხნის განმავლობაში ანასტასიამ იყიდა უცხოური ავტომობილი, სახლი ავეჯით გააწყო და არც კურორტებზე დასვენებას იკლებდა. ერთ დღესაც ადამმა გადაწყვიტა "კატიას" ფოტოს დაგუგვლა და რაოდენ დიდი იყო მისი გაოცება, როდესაც გაირკვა, რომ მისი "საცოლე" სინამდვილეში იყო უკრაინელი ფოტომოდელი -"მის უჟგოროდი" ტატიანა ვოლოშჩუკი. ამის შემდეგ პოლონელმა ბიზნესმენმა დაიქირავა კერძო დეტექტივი, რომელმაც გაარკვია "კატიას" ნამდვილი ვინაობა. იგი აღმოჩნდა 34 წლის ანასტასია ტიურტომოვა სოფელ კალიადან(ურალი). ქალი არასდროს ყოფილა გათხოვილი, მუშაობდა ბუღალტრად და არც კაცების ყურადღებით იყო განებივრებული, რადგან უზომოდ მსუქანი გახლდათ. ადამ პოლისკიმ პოლიციაში შეიტანა განცხადება, რის შემდეგაც ანასტასია ტიურტიმოვა დააკავეს. სასამართლომ მას ორწლიანი პატიმრობა მიუსაჯა, აგრეთვე ქალს დააკისრა, სახელმწიფოს სასარგებლოდ 500 ათასი რუბლის გადახდა და დაზარალებულისთვის 8 მილიონი რუბლის ანაზღაურება. - ჩვენ ვსაუბრობდით გრძნობებზე, ურთიერთობებზე, მქონდა შეგრძნება, ძალიან ჭკვიან, განათლებულ ადამიანს ვესაუბრებოდი. ღამით ჩვენ ვსაუბრობდით დოსტოევსკის, ტოლსტოის, ტარკოვსკის, ზვიგინცევის შესახებ. ძალიან დაინტერესებული ვიყავი. მინდოდა რუსეთის გაცნობა და კატიას მონახულება -დანანებით აღნიშნა პოლონელმა ბიზნესმენმა. იხილეთ მსგავს თემაზე
ალიონა ფედოროვსკაია-თაღლითთა ჩემპიონი გაცნობის საიტიდან
45 წლის ალფონსი ამერიკიდან ქალებს ხვდებოდა ჭამის გამო
40 წლის ჩინელი ქალი 6 თვე ცხოვრობდა ბოიფრენდთან, რომელიც ქალი აღმოჩნდა
ჰოლანდიელი მამაკაცი 10 დღე ელოდა აეროპორტში გოგონას გაცნობის საიტიდან 851 4-ს მოსწონს |
.......... ➤➤➤ ➤➤ ➤➤➤ www.CashPay40.Com