სისხლის სამართალი ათენში მოკლული 24 წლის სოფო წიკლაური სავარაუდოდ მკვლელს იცნობდა 2018, 13 ოქტომბერი, 15:54
ათენში მცხოვრებ მის მეგობრებს უჭირთ თქმა რა შეიძლება ყოფილიყო მკვლელობის მოტივი, თუმცა ვარაუდობენ, რომ მკვლელობა უცხო პირის ჩადენილი არ არის.
24 წლის სოფო წიკლაური(დედის გვარია-ნამდვილი გვარი შანშიაშვილი) 2 დღის განმავლობაში ორი თვის ჩვილთან ერთად იყო გაუჩინარებული, იგი არც ქმრის, რომელიც ციხეში იჯდა და არც მეგობრების სატელოფონო ზარს პასუხობდა, საბოლოოდ მეზობლებმა და მეგობრებმა მისი საცხოვრებელი ბინის კარი შეამტვრიეს, სადაც აღმოაჩინეს მისი გვამი, სოფოს ყელზე ტელეფონის დამტენის სადენი ჰქონდა შემოხვეული.სახლში ამ დროს სოფოს ორი თვის ჩვილი და ძაღლი იმყოფებოდა, მკვლელმა ახალშობილს ძილის წამალი დაალევინა და გათიშა. გავრცელებული ინფორმაციით, წაღებულია მხოლოდ მოკლულის პირადი ნივთები, მობილური ტელეფონი და საფულე. სოფო სოფელ ნასაგურში დაიბადა, ოთხი წლის ასაკში მამა მოუკვდა, მამის სიკვდილი პაპა-ბებიამ ვერ გადაიტანეს და მალევე ისინიც გარდაიცვალნენ, დედამ იქაურობა მიატოვა და სოფოც თან წაიყვანა, თუმცა როგორც გაირკვა ბავშვი ინტერნატში მიაბარა. ამის შესახებ შემთხვევით გაიგო მისმა ბიძამ, ნუგზარ შანშიაშვილმა და 15 წლის სოფო სახლში წამოიყვანა. " ჩემთან იყო გარკვეული ხანი, მერე თავად მოინდომა, დედასთან საბერძნეთში წასვლა, ამბობდა, იქ ვისწავლიო. აღარ დავუშალე. სოფო სწავლობდა და ამ დროს გაიცნო მომავალი ქმარი, რომელიც სამტრედიიდან არის. ბავშვი რომ შეეძინათ, ეს ბიჭიც დაიჭირეს, - სოფო მეუბნებოდა, ისეთი არაფერი დაუშავებია, რომ არ ეშველოს, ადვოკატს ავუყვანო."-აცხადებს ნუგზარ შანშიაშვილი "კვირის პალიტრასთან" ინტერვიუში სოფოს მეუღლე ორი თვის წინ ათენში სხვა ქართველებთან ერთად დააკავეს. ცხედარს ექსპერტიზის შემდეგ სამშობლოში გადმოასვენებენ. საგარეო საქმეთა სამინისტროს ინფორმაციით, საბერძნეთში გარდაცვლილი ქალის გადმოსვენების პროცედურაში ჩართულია ათენში საქართველოს საკონსულო, სოფო წიკლაურს სოფელ ნასაგურში მამის გვერდით დაკრძალავენ. 443 4-ს მოსწონს
|