შოუბიზნესი სილამაზის კონკურსების მცირე ისტორია+ყველა მის საქართველო(ფოტოები) 2018, 11 ოქტომბერი, 13:15
პირველ "სილამაზის კონკურსს" უწოდებენ მითიურ სამი ქალღმერთის: ჰერას, ათენას და აფროდიტეს ასპარეზობას, მსაჯად მათ ამოირჩიეს პარისი, რომელმაც ამოირჩია მშვენიერი აფროდიტე და გადასცა პრიზი-ვაშლი.
არსებობს ირიბი მტკიცებულება იმისა, რომ ძველ ტროაში აირჩიეს ყველაზე ლამაზი გოგონა-ილიონა, ჟიურის წევრები იყვნენ მომღერელები, სკულპტორები, ორატორები და მეომრები. სილამაზის კონკურსები იმართებოდა, ძველ ათენში, განსაკუთრებით პოპულარული იყო ასპარეზობა კუნძულ ლესბოსზე.ძველ ბაბილონში სილამაზის კონკურსში გამარჯვებულ ქალებზე წესდებოდა აუქციონი, დაიძახებდნენ ქალის სახელს, ხოლო მამაკაცები ყვიროდნენ ფასს, შესაძლებელი იყო ოჯახიდან გოგონას გამოსყიდვა და შემდეგ მისი ცოლად მოყვანა. სილამაზის კონკურსი იმართებოდა, ძველ ჩინეთში, ინდიელთა ინკებშიც, სამწუხაროდ გამარჯვებულ ლამაზმანს ღმერთებს სწირავდნენ დიდი ზარ-ზეიმით. მკაცრი ისლამური კანონების მიუხედავად სილამაზის კონკურსი იმართებოდა ოსმალეთის იმპერიაშიც, ჰარამხანაში ირჩევდნენ ყველაზე ლამაზ ოდალიკს(მსახური ქალი ჰარამხანაში, დასავლეთში ის აღიქმებოდა, როგორც მძევალი და სექსმონა) ოდალიკი-აღმოსავლური სცენა ჰარამხანიდან(სტეფან სანდლაჩეკი) პირველი ოფიციალური სილამაზის კონკურსი 1888 წლის 19 სექტემბერს ბელგიაში, ქალაქ სპაში, ჩატარდა . 350 კანდიდატიდან ფინალში მარტო 21 კონკურსანტი მოხვდა. ფინალისტებს დახურულ კარს მიღმა მამაკაცებისგან შემდგარი ჟიური აფასებდა. გამარჯვებული გახდა 18 წლის ბერტა სუკარე გვადელუპიდან, რომელმაც ჯილდოდ 5000 ფრანკი მიიღო. ფოტოზე:სილამაზის კონკურსში გამარჯვებულს გადასცემენ პრიზს(1922 წელი) რაც შეეხება საქართველოს, რუსეთის იმპერიის შემადგენლობაში ყოფნის დროს 1912 წელს ტიფლისში გამართულა კონკურსი "მის კავკასია", გამარჯვებული გახდა აზერბაიჯანელი ბეგის ასკარხან ტალიშინსკის ქალიშვილი ტუგრა ხანიმი. საბჭოთა პერიოდში, როგორც ასეთი, სილამაზის კონკურსები არ იმართებოდა გასული საუკუნის 80-იან წლებამდე, თბილისში კომკავშირის თაოსნობით პირველი სილამაზის კონკურსი "მის თბილისი" 1984 წელს ჩატარდა, (მოსკოვში ანალოგიური კონკურსი მხოლოდ 4 წლის შემდეგ გაიმართა)გამარჯვებული გახდა ეკა აბაშიძე. ფოტოზე:"მის თბილისი"-1985 ნუკა კაციტაძე 90-იან წლების მეორე ნახევარში საქართველოში ნელ-ნელა ვითარდება სამოდელო ბიზნესი და შესაბამისად იმართებოდა სილამაზის კონკურსები, მაშინ გაიცნო საქართველომ კრისტი ყიფშიძე, ლალი ტოტიკაშვილი, თამუნა გაბრიელაშვილი, თაკო ჩხეიძე, თიკა ფაცაცია და სხვები. ფოტოზე:ლალი ტოტიკაშვილი 2003 წლიდან საქართველოში რეგულარულად იმართება ყოველწლიური ეროვნული სილამაზის კონკურსი, კონკურსის ფინალისტები წარადგენენ საქართველოს მის მსოფლიოზე, მის ევროპაზე, მის დედამიწაზე და მის სამყაროზე. "მის საქართველო"-2018 -ს ფინალური კასტინგი 20 ოქტომბერს გაიმართება, მანამდე კი გავიხსენოთ ყველა მის საქართველო წლების მიხედვით(2003-2017) 656 4-ს მოსწონს
|