x
მეტი
  • 16.10.2018
  • სტატია:81645
  • ვიდეო:333730
  • სურათი:438826
2019 წლის სასიყვარულო ჰოროსკოპი ზოდიაქოს ყველა ნიშნისთვის!

image

ღორი აღმოსავლური კალენდრის 12 წლიან ციკლში ბოლო ცხოველია. სწორედ მას ეკუთვნის ბოლო აკორდი, რის შემდეგაც ცხოვრების ახალი ეტაპი იწყება. როგორც არ უნდა ისწრაფოდეს თითოეული ჩვენგანი კარიერული აღმავლობისა თუ მატერიალური კეთილდღეობისკენ, სიყვარული მაინც პირველ ადგილზე დგას. ღორის წელი საკმაოდ ნაყოფიერია ამ მხრივ.

image

1. ვერძი

მარტოხელა ვერძებისთვის კარგი ამბავი გვაქვს: სიყვარული გეწვევათ, მხოლოდ სრულიად მოულოდნელ მომენტში. არ ღირს უარი თქვათ ახალ ნაცნობობაზე და უკარებას როლი ითამაშოთ. ახალი რომანები და მსუბუქი ფლირტი ღორის წელში გამორიცხული არაა, მაგრამ ორ კურდღელს ერთად ნუ გაეკიდებით, შესაძლოა ამან ღირსეული პარტნიორი დაგაკარგვინოთ. ასევე, განსაკუთრებული ყურადღება მიაქციეთ თქვენს გარეგნობას.

დაოჯახებულ ვერძებს მეორე ნახევრებთან ჰარმონიული პერიოდი დაუდგებათ. იდეალური პერიოდია ბავშვის გასაჩენად. მარტოხელა ვერძებმა კი სიფრთხილე უნდა გამოიჩინონ ინტიმურ კავშირებში, რადგან ღორი მოწადინებულია, რომ ვერძებს შთამომავლობის გამგრძელებლები აჩუქოს.

image

2.კურო

ამ ნიშნის წარმომადგენლებმა თავი ხელში უნდა აიყვანონ და ვნებები მოთოკონ. იდეალური პერიოდია პირადი ცხოვრების მოსაწესრიგებლად. თუ ნაქირავებ ბინაში ცხოვრობთ, ძალ-ღონე მიმართეთ საცხოვრებლის შეძენისკენ. უარი თქვით დროებით და ხანმოკლე რომანებზე. კიდევ ერთი რჩევა: ნაკლები იეჭვიანეთ პარტნიორზე, მით უფრო, ამისთვის საბაბი არ გაქვთ. თუ ურთიერთობის დაკანონება გსურთ, სწორედ შესაფერისი პერიოდია. ქორწილის მაგივრად კი გირჩევთ, თქვენ ორნი სადმე თბილ ქვეყანაში გაემგზავროთ.

დაოჯახებულმა კუროებმა დისტანცია უნდა დაიჭირონ მეგობრებთან და ნათესავებთან - მათ შორის ბევრია ისეთი, რომელიც შურით გიყურებთ.

image

3.ტყუპები

ტყუპებს ამ წელს თაყვანისმცემლებისგან ყურადღება არ მოაკლდებათ. მთავარია, მხოლოდ სწორი და დროული არჩევანი გააკეთოთ. ასტროლოგები გირჩევენ, მალე გამოეთხოვოთ მარტოხელას ცხოვრებას. მათ, ვინც საკუთარ თავში ძალას იპოვის, რომ უარი თქვას საყოველთაო ყურადღებაზე 2019 წელს, ყვითელი ღორი ბედნიერ ოჯახურ ცხოვრებას ჰპირდება.

image

4.კიბო

კიბოს ამ წელს თაყვანისმცემლების მთელი არმია ელოდება. თუმცა, საიმედო და სიმპათიური მათ შორის ჯერ არ ჩანს.თუმცა, უნდა ითქვას, რომ 2019 წელს ყველაფერი თქვენს ინიციატივაზეა დამოკიდებული. თქვენი მეორე ნახევარი თქვენივე წრიდან უნდა შეარჩიოთ.უნდა მოუსმინოთ არა მარტო გულს და გონებას, არამედ ინიციატივასაც. ახალ ნაცნობობაზე უარს ნუ იტყვით, შესაძლოა რომელიმე მათგანი ცხოვრების სხვა სფეროში გამოგადგეთ.

სიყვარული კიბოებისთვის ნამდვილ შთაგონებად იქცევა, ისინი გაიფურჩქნებიან. თუ სერიოზული ნაბიჯის გადადგმა ფინანსების გამო გიჭირთ, ღორის წელში ეს პრობლემაც არ გექნებათ.

დაოჯახებულ კიბოებს მართებთ უფრო გულწრფელნი იყონ ურთიერთობებში. მიეცით თავს ნება და საყვარელ ადამიანთან ერთად უჩვეულო მოგზაურობა ან თავგადასავლი მოიწყვეთ. გაალამაზეთ თქვენი ურთიერთობა ემოციებით.

image

5.ლომი

2019 წელს ლომებს უბრალოდ ვერ იცნობთ. ყურადღების მოყვარული ნიშანი მყარ და ხანგრძლივ ურთიერთობას მოინდომებს და სერიოზულად დაფიქრდებიან შთამომავლობის გაგრძელებაზე. საჭიროა, მხოლოდ მოთოკოთ თქვენი მეფური კაპრიზები, წინააღმდეგ შემთხვევაში სარკეში თქვენი თავის ანარეკლთან მოგიწევთ ტკბობა. მთავარია, თქვენს თავთან იყოთ პატიოსანი და არ აირჩიოთ ის ადამიანი, რომლებსაც ახლობლები თუ ნათესავები გირჩევენ.

დაოჯახებულ ლომებს თავისი პარტნიორი თავიდან შეუყვარდებათ. საყვარელ ადამიანთან ურთიერთობა მათ შთაგონებით აავსებთ. ლომის რჩეულებს გაუკვირდებათ კიდეც, თუ რაოდენ რომანტიული ბუნების ყოფილან მათი ლომები.

image

6.ქალწული

თუ ქალწული ხელს ჩაიქნევს იდეალური პარტნიორის ძებნაზე, 2019 წელი მას თვალის დახამხამებაში მიიყვანს ღირსეულ რჩეულთან. სიფრთხილე არ გაწყენთ, წინააღმდეგ შემთხვევაში შესაძლოა სიყვარულის ისარმა სულ სხვა ადამიანთან მიგიყვანოთ. თუ გვირგვინის დადგმას გადაწყვეტთ, ეს მხოლოდ საიმედო და ღირსეულ ადამიანთან უნდა გააკეთოთ.

ასტროლოგები გირჩევენ, ამ წელს ყურადღება არ მოადუნოთ. ყურადღება დაუთმეთ ოჯახურ ცხოვრებას და თქვენ ზრუნვას ახალ რჩეულს ნუ გაუნაწილებთ, წინააღმდეგ შემთხვევაში ოჯახსაც დაკარგავთ და ახალ რჩეულსაც.

image

7.სასწორი

2019 წელს სასწორი უფრო გაბედული და ინიციატივიანი უნდა იყოს, როცა საქმე ცხოვრების თანამგზავრის არჩევას ეხება. იფიქრეთ მომავალზე. ღორის წელი იდეალური პერიოდია პირადი ცხოვრების მოსაწესრიგებლად. ხშირად იყავით საზოგადოებაში, დაესწარით ღონისძიებებს და ნუ დაჯდებით სახლში. იმისთვის, რომ თქვენი ადამიანი იპოვოთ, საჭიროა თქვენი შინაგანი სამყაროც დაალაგოთ და მოაწესრიგოთ.

დაოჯახებულმა სასწორებმა დროა შთამომავლობაზე და საცხოვრებლის გაფართოებაზეც იფიქრონ.

image

8.მორიელი

2019 წელს მორიელის ცხოვრებაში არაფერი ზებუნებრივი არ მოხდება. არ ღირს ყოფილი პარტნიორებისგან თავის შორს დაჭერა. 2019 წლის სასიყვარულო ჰოროსკოპი გირჩევთ, თქვენს მეორე ნახევართან დათმობებზე წახვიდეთ. გირჩევთ მოგზაურობაში წახვიდეთ. არც თქვენ მოიწყენთ და საყვარელ ადამიანსაც სიხარულს მიანიჭებთ.

image

9.მშვილდოსანი

2019 წელს მშვილდოსანი თავისი მიზიდველობით და მომხიბვლელობით იქნება გამორჩეული, რაც საწინააღმდეგო სქესს უყურადღებოდ არ დარჩება. თუ ღიმილს და ეშმაკურ სვლებსაც გამოიყენებთ, მაშინ თქვენ შეუდარებელი იქნებით. ბევრი კონკურენტი გამოგიჩნდებათ, მაგრამ თქვენ გამარჯვებული გამოხვალთ. თუმცა, არ მოდუნდეთ!

2019 წელს მშვილდოსნებს გაუჭირდებათ ცდუნებასთან გამკლავება, ეს კი იმის გამო, რომ ყურადღება აკლიათ, ამიტომ, ხშირად იქონიეთ ურთიერთობა თქვენს პარტნიორთან, რომ გამოუსწორებელი შეცდომა არ დაუშვათ.image

10.თხის რქა

2019 წელს თხის რქამ თამამად უნდა მიიღოს ცვლილებები, რაც მის პირად ცხოვრებასაც მოაწესრიგებს და თხის რქაშიც სიყვარულს გააღვივებს. თამამად შეიცვალეთ ვარცხნილობა, იმიჯი...თუ ოჯახური ბედნიერება მოითხოვს, თამამად შეიცვალეთ საცხოვრებელი ადგილიც.

დაოჯახებულმა თხის რქებმაც დროა, შთამომავლობაზე იფიქრონ.

image

11.მერწყული

თუ მერწყულს მყარი ურთიერთობები სურს, ცხოვრებისეულ მინიშნებებს ყურადღება უნდა მიაქციოს. არ გეგონოთ, რომ სიყვარული მოულოდნელად იფეთქებს თქვენს გულში, ყველაფერი თანდათანობით მოხდება. შესაძლოა, ძველი მეგობრობა სიყვარულში გადაიზარდოს, მთავარია, მომენტი ხელიდან არ გაუშვათ.

ის, ვინც ურთიერთობაშია, საყვარელი ადამიანის მიერ გამოჩენილი ეჭვიანობის სცენებისთვის უნდა მოემზადოს.ეს იმიტომ, რომ გარშემო თქვენით ყველა აღფრთოვანებული იქნება. მთავარია, არ მისცეთ სკანდალის მიზეზი და ოჯახის სიწმინდეს გაუფრთხილდეთ.

image

12.თევზები

2019 წელი თევზებს მთელ რომანტიკას ჰპირდება. საპასუხო სიყვარული - აი, რა გელოდებათ ამ წელს. თუმცა სირთულეებიც გექნებათ. თავიდან, შესაძლოა მოგეჩვენოთ, რომ თქვენი ურთიერთობა უპერსპექტივოა, მაგრამ წლის მეორე ნახევარში უკვე ფრთაშესხმულად იგრძნობთ თავს.

დაოჯახებულ თევზებსაც ამ წელს საუკეთესო შთაბეჭდილებები ელით.image


0
1320
2-ს მოსწონს
ავტორი:გემი დალანდი
გემი დალანდი
1320
  
კომენტარები არ არის, დაწერეთ პირველი კომენტარი
0 1 0