x
მეტი
  • 22.10.2018
  • სტატია:81879
  • ვიდეო:333883
  • სურათი:439136
8 დაუშვებელი შეხამება სამოსში. არ დაუშვათ ეს შეცდომები!

ერთი შეხედვით, თანამედროვე ქალისთვის თითქოს არანაირი აკრძალვა არ არსებობს მოდის სფეროში. და მართლაც, თუ ადრე ჩანთა და ფეხსაცმელი ერთმანეთისთვის უნდა შეგვეხამებინა, დღეს ამის საჭიროება აღარ დგას, თუმცა უჩვეულოს შეხამება ჩვეულთან - ყოველთვის კარგი აზრი როდია.

თუ გსურთ, რომ მოდურად გამოიყურებოდეთ, გაითვალისწინეთ ეს რჩევები და არასოდეს შეუხამოთ ერთმანეთს:


მაღალყელიანი ჩექმები და მუხლქვემოთ ქვედაბოლოები

imageრატომ ითვლება წარუმატებელ შეხამებად?

მაღალყელიანი ჩექმა გრძელ ქვედაბოლოსთან ერთად, კომპლექტში, ვიზუალურად აპატარავებს ფეხს, მაშინაც კი, თუ გრძელი ფეხები გაქვთ, და თქვენ ჩვეულებრივზე ბევრად დაბალი ჩანხართ.

როგორ მოვიქცეთ?

მიდი ქვედაბოლოს ბოტილიონი ან დაბალყელიანი ფეხსაცმელი შეგიძლიათ შეუხამოთ, ან სულაც კედები.

თუ მაინცდამაინც მიდი ქვედაბოლოს ჩაცმა გინდათ მაღალყელიან ჩექმაზე, მაშინ ამ ქვედაბოლოს მაღალი წელი უნდა ჰქონდეს.


ქუსლიანი ბოტფორტები და გამომწვევი, დეკორიანი სამოსი

imageრატომ ითვლება წარუმატებელ შეხამებად?

ზედმეტი დეკორი გარეგნობას იაფფასიან და გამომწვევ იერს ანიჭებს.

როგორ მოვიქცეთ?

ბოტფორტები - ეს უკვე აქცენტია სამოსში და დამატებით დეტალებს აღარ საჭიროებს. თუ მათ ჩაცმას აპირებთ, უბრალო სამოსი უნდა შეარჩიოთ ზედმეტი აქსესუარების და დეკორის გარეშე.

კაბები ან ქვედაბოლოები, რომლებიც თვალს “იტაცებენ", შეგიძლიათ იდეალურად შეუხამოთ კლასიკურ ბოტილიონებს.


ქვედაბოლო “მაქსი" და გრძელი პალტო

imageრატომ ითვლება წარუმატებელ შეხამებად?

ერთად აღებული გრძელი ქვედაბოლო და ასევე გრძელი პალტო ფიგურას არაპროპორციულს და არაჰარმონიულად წარმოაჩენს.

როგორ მოვიქცეთ?

გრძელ ქვედაბოლოს მოკლე ქურთუკი უნდა შეუხამოთ.

გრძელი პალტო შესანიშნავად გამოიყურება ჯინსზე ან კლასიკურ შარვლებზე.


კოქტეილის კაბა და ჩექმები ან ბოტილიონები

imageრატომ ითვლება წარუმატებელ შეხამებად?

კოქტეილის თუ საღამოს კაბა, სხვადასხვა წვეულებასა თუ ღონისძიებაზე უნდა ჩაიცვათ, სადაც ჩექმების და ბოტილიონების ადგილი არაა. ისინი ყურადღებას კაბიდან ფეხებზე გადაიტანენ, თანაც, შესაძლოა დაგცხეთ კიდეც.

როგორ მოვიქცეთ?

შესანიშნავი არჩევანია ნავის ფორმის კლასიკური ფეხსაცმელი ან ქუსლიანი ღია ფეხსაცმელი, თუმცა ამ უკანასკნელის შემთხვევაში კოლგოტის ჩაცმაზე უარი უნდა თქვათ.


ქუსლიანი ფეხსაცმელი და სამხედრო სტილის სამოსი

imageრატომ ითვლება წარუმატებელ შეხამებად?

თუ ქვედაბოლოზეა საუბარი, ქუსლიან ფეხსაცმელთან ძალიან ვულგარულ იერს მოგანიჭებთ, შარვალი კი უბრალოდ იაფფასიან “ლუქს" შექმნის.

როგორ მოვიქცეთ?

სამხედრო სტილის სამოსი იდეალურად ეხამებს კედებს. მისაღებია ბოტილიონებიც დაბალ ძირზე.


გრძელი კარდიგანი და ქვედაბოლო მიდი

imageრატომ ითვლება წარუმატებელ შეხამებად?

გრძელი კარდიგანი არ იძლევა იმის საშუალებას, რომ ქალის სილუეტი გამოიკვეთოს, რაც ძალიან მნიშვნელოვანია, თუ გეგმავთ, რომ გაშლილი მიდი-ქვედაბოლოს საშუალებით ლამაზი “ლუქი" შექმნათ.

როგორ მოვიქცეთ?

ასეთი სტილის ქვედაბოლოს უკეთესია მოკლე კარდიგანი შეუხამოთ. ეს აქცენტს წელზე გადაიტანს.

კიდევ ერთი კარგი ვარიანტია წელში გამოყვანილი კარდიგანი, რომელიც ქამრით იკვრება. გაშლილ, ღია შეფერილობის ან მაქმანებიან ქვედაბოლოზე ასეთი კარდიგანი შესანიშნავ და მოდურ იერს მოგანიჭებთ.


შარვალი-კიულოტი და ბოტასები

imageრატომ ითვლება წარუმატებელ შეხამებად?

კიულოტები ვიზუალურად სიმაღლეს აკლებენ ადამიანს და თანაც, თუ ბოტასებს შევუხამებთ, გრძელი ფეხიც კი საგრძნობლად დამოკლდება ვიზუალურად.

როგორ მოვიქცეთ?

ასეთი შარვალი იდეალურად ეხამება ქუსლიან ფეხსაცმელს.

თუ გსურთ ვიზუალურად გაზარდოთ სიმაღლე, შეარჩიეთ ღია ფერის კიულოტი და ფეხსაცმელი.


მაღალყელიანი ჩექმები და მოკლე კაბა-ხალათი

imageრატომ ითვლება წარუმატებელ შეხამებად?

ასეთი ლუქი დაუსრულებლად გამოიყურება. ისეთ შთაბეჭდილებას ტოვებს, რომ ქვედაბოლოს ჩაცმა დაგავიწყდათ.

როგორ მოვიქცეთ?

შედარებით გრძელი კაბა-ხალათი გაცილებით ელეგანტურად გამოიყურება. ლუქი, რომელშიც აქცენტი ასეთ კაბაზეა, გაცილებით საინტერესოდ გამოიყურება.

თუ მოკლე კაბა-ხალათი გაქვთ გარდერობში, შეგიძლიათ ლეგინსს შეუხამოთ. ასეთი შეხამება შეთავსებადი იქნება როგორც მაღალყელიან ჩექმებთან, ისე ბოტილიონებთან.





0
303
1-ს მოსწონს
ავტორი:გემი დალანდი
გემი დალანდი
303
  
კომენტარები არ არის, დაწერეთ პირველი კომენტარი
0 1 0