x
image
ილია მარტყოფლიშვილი
Mediator image
ლელა კაკულიას განცხადება - მისთვის სასიცოცხლო მედიკამენტი „რუდოტელი“ საბაჟოზე "დააკავეს"

image

.

ცნობილი ქართველი ნათელმხილველი ლელა კაკულია ოფიციალურ განცხადებას ავრცელებს:
.
"ამბავი საბაჟოზე დაპატიმრებული პრეპარატისა და ადმინისტრაციის მოკძალებული თხოვნისა. აი, ასე პათეტიკურად და მაღალფარდოვნად გვინდა დავიწყოთ თხრობა ამბისა, რომელიც ახლახან, ყველასგან დამოუკიდებლად შექმნილი ვითარებიდან გამომდინარე მოხდა.
.
საქმე ისაა, რომ ქალბატონ ლელა კაკულიას ნევროლოგიის ინსტიტუტის სამეცნიერო დირექტორმა ალექსანდრე ცისკარიძემ გარკვეული ხნის წინ ანტიდეპრესანტი „რუდოტელი“ დაუნიშნა სამკურნალოდ. წინასწარმეტყველის მეგობრებმა, რომლებიც უცხოეთში ცხოვრობენ, თავზე აიღეს ქალბატონი ლელას ხარისხიანი პრეპარატით მომარაგების საქმე და პერიოდულად ფოსტით უგზავნიდნენ ხოლმე წამლის მარაგს: უპრობლემოდ, კანონის დაცვით. იგივე პრეპარატს იღებს ქალბატონი ლელას მეუღლე, ბატონი სიმონ პატარაიაც, რომელიც დიაბეტითაა ავად და მასაც აქვს დანიშნული აღნიშნული ანტიდეპრესანტი.
.
ასე გრძელდებოდა წლების განმავლობაში. დაახლოებით ერთი თვის წინ უცხოელმა მეგობრებმა ისევ გამოუგზავნეს ქალბატონ ლელას პრეპარატი - ბატონი სიმონის სახელზე. მაგრამ მის ასაღებად საქართველოს ფოსტაში მისულ ბატონ სიმონს უთხრეს, თქვენი ამანათი საბაჟომ დააპატიმრა და იმათ მიმართეთ, ოღონდ თან ფორმა #100 იქონიეთ, რომელიც დაადასტურებს, რომ წამალი ექიმის მიერ გაქვთ გამოწერილიო.
.
ბატონმა სიმონმაც აიღო ხსენებული ფორმა და კერძო ავია-სატვირთო ტერმინალ „ლასარეს“ მიადგა, რომელიც საბაჟო საწყობითაც გახლავთ აღჭურვილი. იქ კი გაირკვა, რომ ფორმა #100 კი არა, ჯანდაცვის სამინისტროს ნებართვა იყო საჭირო ამანათის მისაღებად.
.
ახლა სამინისტროს მიადგა ბატონი სიმონი, სადაც განცხადება დააწერინეს საბაჟოდან პრეპარატების გაცემის მოთხოვნით. მაგრამ უწყებამ პასუხად განუმარტა, რომ სულ ახლახან მიღებული რეგულაციების თანახმად, ანტიდეპრესანტ რუდოტელის ამ სახით შემოტანა შეზღუდულიყო და ადრესატი მას ვერცერთ შემთხვევაში ვერ მიიღებდა, და რომ ის განადგურებას ექვემდებარებოდა!
.
ანუ, სანამ პრეპარატი გზაში იყო, საქართველოში რაღაცეები შეიცვალა და ქალბატონი ლელა და მისი მეუღლე ამ ცვლილებების უნებლიე მსხვერპლი აღმოჩნდნენ - დარჩნენ ხარისხიანი და სანდო წამლის გარეშე.
.
ეს კიდევ არაფერი, ბატონმა სიმონმა „რუდოტელის“ უკან, გამომგზავნისთვის დაბრუნება მოითხოვა. რატომ უნდა გაანადგუროთ, ადამიანმა ცალკე წამალში გადაიხადა ფული, ცალკე გამოგზავნაში, არანაირი საერთაშორისო თუ კონკრეტული ქვეყნის კანონი არ დაურღვევია, რა იცოდა, რომ საქართველოში რაღაც შეიცვლებოდა, და რატომ უნდა ნახოს ზარალიო?! მაგრამ...
.
მოკლედ, რისი თქმა გვინდა ახლა:
.
მივმართავთ დევნილთა, შრომის, ჯანმრთელობისა და სოციალური დაცვის სამინისტროს, გაითვალისწინოს პრეპარატების გამოგზავნის თარიღი, გზაში გატარებული დრო, შეადაროს ის საქართველოს კანონმდებლობაში შესული ცვლილებების თარიღს და დასაშვებად ცნოს, რომ ქართველმა წინასწარმეტყველმა კუთვნილი და მისი ჯანმრთელობისთვის აუცილებელი პრეპარატები მიიღოს.
ვფიქრობთ, ეს სამართლიანიც იქნება და კანონიერიც. პატივისცემით, გვერდის ადმინისტრაცია, " - ნათქვამია ლელა კაკულიას facebook გვერდზე.
6
1641
2-ს მოსწონს
2-ს არა
ავტორი:ილია მარტყოფლიშვილი
ილია მარტყოფლიშვილი
Mediator image
1641
  
2019, 25 აგვისტო, 19:25
კომენტარი ცარიელია ან წაშლილია

2018, 7 ოქტომბერი, 12:13
კარიკატურული ქვეყანა... ყოველგვარი საღი აზრისა და ინტელექტის გარეშე! ვაი მართლა და ჩვენს პატრონს!
2018, 7 ოქტომბერი, 11:54
ქალბატონო დალიკო ადამიანი ავადმყოფობს, დავიჯერო ეს სასაცილო თემაა? :(
2018, 7 ოქტომბერი, 11:44
მერე ვერ იწინასწარმეტყველა თავისთვის?
2018, 7 ოქტომბერი, 10:29
ნარკოტიკები ღიად იყიდება და წამლებზე აქვთ გართულება.
"ქართულმა ოცნებამ" ყველანაირად გამიცრუა იმედები, იმედია რომელიმე ახალი პოლიტიკური ძალა ჩაანაცვლებს ამ უნიათოებს...
0 1 6