ოპერატორები 6 ტელეარხის გადაწყვეტილებას ეწინააღმდეგებოდნენ, - გასულ წელს აღნიშნული არხები საკაბელო ოპერატორებმა პროტესტის ნიშნად გათიშეს კიდეც.

.
„კომპანია სილქნეტმა, განსხვავებით სხვა ოპერატორებისგან, შეძლო ერთი წლით შეენარჩუნებინა აღნიშნული არხების ჩვენება ფასის უცვლელად. თუმცა, ამ 6 ქართული არხის მოთხოვნით გადასახადის საკითხი კვლავ დღის წესრიგში დადგა, რის შედეგადაც კომპანია იძულებულია სილქტვ-ის აბონენტებს, 2018 წლის 1 ნოემბრიდან 2 ლარით გაუზარდოს სატელევიზიო მომსახურების ღირებულება. ტარიფის ზრდა ასევე შეეხება გლობალ ტვ-ის მომხმარებლებსაც.“, - განმარტავენ სილქნეტში.

.

ტარიფი გასულ წელს გაზარდა მაგთიმაც. ასევე რეტრანსლირების საფასურის დაწესების მიუხედავად, კომპანიის გადაწყვეტილებით იმ მომხმარებლებს, რომლებიც სარგებლობენ განახლებული „ორმაგი შეთავაზების“ პაკეტებით, შეუნარჩუნდებათ ყოველთვიური სააბონენტო გადასახადი უცვლელი ტარიფებით.

.

შეგახსენებთ, პოპულარულმა ვიდეოპორტალმა მაივიდეო.ჯი-მ უკვე სამი კვირაა შეწყვიტა ხსენებული არხების ტრანსლირება. მიზეზი იგივეა, მაივიდეოს ადმინისტრაციას არ სურს ფასიანი გახდეს მათი მომსახურება ვიზიტორებისთვის, ამდენად, მიიღეს გადაწყვეტილება, შეეწყვიტათ ამ არხების გავრცელება.

.

ამავე თემაზე: ექვსი ქართული ტელეარხის ინტერნეტში ტრანსლირება აიკრძალა