საზოგადოება თბილისში, "ზებრა" გადასასვლელზე 13 წლის ბიჭი "ტაქსმა" გაიტანა 2018, 3 ოქტომბერი, 17:43 დღის განმავლობაში თბილისსა და საქართველოში მომხდარი ავტოსაგზაო შემთხვევების შესახებ ახალი ამბები არ წყდება. "კიდევ ერთი" ავტოსაგზაო შემთხვევა დღეს, დაახლოებით დღის 1:10 საათზე მოხდა.
3 ოქტომბერს, დაახლოებით 1:10 საათზე ავტოსაგზაო შემთხვევის შედეგად "13" წლის მოზარდი დაშავდა. შემთხვევა თბილისში, სამგორის რაიონში, მოსკოვის გამზირზე მოხდა. გაკვეთილების შემდეგ, სკოლიდან შინ მიმავალ მე-7 კლასელ ბიჭს ე.წ "ზებრა" გადასასვლელზე ტაქსის მძღოლმა დაარტყა. უბედური შემთხვევა უამრავი თვითმხილველის თვალწინ მოხდა. დაშავებულ მოსწავლეს თან ახლდა რამდენიმე თანაკლასელი და ერთ-ერთი მეგობრის დედა. როგორც ისინი იუწყებიან, სთხოვდნენ არ გადაერბინა, ფიქრობდნენ ის ვერ მოასწრებდა ზებრის გადაკვეთას, რადგან სწრაფად მოძრავ ავტომობილს ხედავდნენ. ბიჭი არ დაემორჩილა მათ თხოვნას და სიტყვებით "მოვასწრებ", სირბილით ცდილობდა ქვეითთა გადასასვლელის გადაკვეთას. მოცემულ მომენტში "ზებრა" გადასასვლელთან, მგზავრების ჩამოსმის მოტივით ყვითელი სამარშუტო ტაქსი იყო გაჩერებული, რამაც მძღოლს გაუძნელა გადმორბენილი ბიჭის შემჩნევა და მუხრუჭის მიუხედავად უბედურმა შემთხვევამაც არ დააყოვნა. შემთხვევის ადგილიდან მძღოლი არ გაქცეულა. დაშავებული ბიჭი კი თვითმხილველებმა საკუთარი ავტომობილით რეფერალურ საავადმყოფოში უმალ გადაიყვანეს, რადგან სასწრაფოს მისვლა შეყოვნდა. ბიჭს სასწრაფო ოპერაცია ჩაუტარდა. ჩემს მიერ მოპოვებული ინფორმაციის თანახმად, თავზე მიყენებული ტრავმის გამო მას ქალა ახადეს. მისი ჯანმრთელობის მდგომარეობა, ჯერ-ჯერობით უცნობია, თუმცა ექიმების თქმით, ტვინი არ დაზიანებულა. დაშავებული, დაახლოებით 13 წლის მოზარდი, მოსკოვის გამზირზე ცხოვრობს, ის სსიპ - მიხეილ ჯავახიშვილის სახელობის ქალაქ თბილისის №124-ე საჯარო სკოლაში სწავლობს. შემთხვევიდან მალევე, ადგილზე მობილიზებული იქნა საპატრულო ეკიპაჟი, რომლებმაც დაიწყეს მომხდარის გამოძიება, მძღოლი გამოძიების დასრულებამდე ჩართული იყო საქმეში და დაწვრილებით ინფორმაციას აწვდიდა სამართალდამცავებს მომხდარის შესახებ. 611 13-ს მოსწონს |
ამ შემთხვევაში მარშუტკის მძღოლიც დამნაშავეა, რადგან უადგილო ადგისას გააჩერა და სხვას აღარ შეეძლო ნორმალურად გზის დანახვა.
ქალაქში ასით, რომ დააქროლებენ მანქანას ის "ლიხაჩები" უქმნიან ყველას საფრთხეს.
არც ეს მძღოლია გამონაკლისი-ქალაქში დაშვებული სიჩქარით, რომ ევლო დამუხრუჭებას მოასწრებდა.
ყველას სადღაც გვეჩქარება, მაგრამ ზებრა გადასასვლელზე პრიორიტეტი ქვეითად მოსიარულეს ეკუთვნის...
ვისურვებდი, რომ ელემენტარული გზაზე მოძრაობის წესები გვესწავლოს... ამ პატარას კი მალე გამოჯანმრთელებას ვუსურვებ... ♥
სამი ყავს თუ ხუთი, იმ ბავშვსაც ხომ ჰყავს მშობლები!
კალაძეს ერთში ვეთანხმები მხოლოდ-ლიცენზირებული მძღოლი სხვის სიცოცხლესაც გაუფრთხილდება და ჯართის მოძრავ გორაზე მჯდარ "ლიხაჩებს" არ ექნებათ უფლება სხვისი სიცოცხლე შეიწირონ...
ღმერთმა უშველოს ორივეს...