რუსთავში 28 წლის ახალგაზრდა ქალი მშობიარობამდე ერთი დღით ადრე გარდაიცვალა, ინფორმაციას ამის შესახებ INFO Rustavi ავრცელებს.

36 თვის ორსული ქალი სავარაუდოდ ინსულტით გარდაიცვალა. გარდაცვლილს 4 წლის შვილი და მეუღლე დარჩა.

"სასწრაფოს ეკიპაჟმა მოიყვანა 28 წლის გოგო, რომელიც იყო 36 კვირის ორსული. სხეულზე აღენიშნებოდა იასამნისფერი ლაქები, ფიქსირებული ფოტორეაქცია არ იყო, მოვიდა მიმდინარე გულფილტვის რეანიმაციით, ჩვენ გავაგრძელეთ დაწყებული რეანიმაციული ღონისძიებები რომელიც ჩატარდა პროტოკოლის სრული დაცვით, მაგრამ მიუხედავად ამისა, როგორც მოსალოდნელი იყო დაფიქსირდა ბიოლოგიური სიკვდილი. ნაყოფის გადარჩენაც ვერ მოხერხდა. ჩემი ინფორმაციით მეორე დღეს დაგეგმილი იყო საკეისრო კვეთა" - აღნიშნა გადაუდებელი განყოფილების მორიგე ექიმმა ლევან სუტურმა.

შეაგახენებთ შარშან, კლინიკა "რუსთავში" 28 წლის მშობიარე მაკა ბუწაშვილი საკეისრო კვეთის დროს გარდაიცვალა, ექიმის განცხადებით მშობიარობის დროს ქალს ემბოლია განუვითარდა, რის გამოც მისი გადარჩენა ვერ მოხერხდა.საბედნიეროდ ახალშობილი გაარჩა.